– شاعىن جانە ورتا بيزنەستى يندۋستريالاندىرۋ, سالۋ, دامىتۋ بويىنشا مەملەكەتتىك باعدارلامالاردى ىسكە اسىرۋ ارقاسىندا جىل باسىنان نەگىزگى كورسەتكىشتەر بويىنشا وڭ سەرپىنگە قول جەتكىزدى. ەحرو 2017 حالىقارالىق مامانداندىرىلعان كورمەنى وتكىزۋ ءوسۋدىڭ ماڭىزدى فاكتورى بولدى. ونەركاسىپ ءوندىرىسى نەگىزىنەن ماشينا سالۋ جانە مەتاللۋرگيا, يندۋستريالاندىرۋ كارتا جوبالارى ەسەبىنەن 7,5%-عا (336,6 ملرد تەڭگە) ءوستى, – دەپ قالا باسشىسى مالىمدەدى.
يندۋستريالاندىرۋ كارتاسىنىڭ باعدارلاماسىنا 24 كاسىپورىن كىردى. نەگىزگى كاپيتالعا ينۆەستيتسيالار كولەمىن ۇلعايتۋدى ەسەپكە الا وتىرىپ ءوسۋ 505,1 ملرد تەڭگە قۇرادى.«بيزنەس جول كارتاسى 2020» ەلوردا كاسىپكەرلەرى اراسىندا ىسكەرلىك بەلسەندىلىكتى ۇلعايتتى. وسىلايشا, جىل باسىنان جالپى سوماسى 14,7 ملرد تەڭگە بولاتىن 110 جوبا ماقۇلداندى. ناتيجەسىندە, 8 مىڭنان استام جۇمىس ورىندارى ساقتالدى جانە 5,3 مىڭعا جۋىق جاڭا جۇمىس ورىندارى قۇرىلدى. كاسىپكەرلىكتىڭ سەرپىندى دامۋى شوب-تەن بيۋدجەتكە تۇسەتىن سالىق تۇسىمدەرىنىڭ كولەمىنە وڭ اسەر ەتەدى.
وسى جىلى يندۋستريالدى ساياباق اۋماعىندا 13 ملرد تەڭگە سوماعا 9 جاڭا جوبا ەنگىزىلەدى. سونىمەن بىرگە 3 جوبا جۇمىس ىستەپ جاتىر, تاعى 6 – جىل سوڭىنا دەيىن ەنگىزىلەدى.
ەلوردادا بۇگىندە جەكە جانە شەتەل ينۆەستورلارىنىڭ قاراجاتتارىن تارتۋعا ەرەكشە كوڭىل اۋدارادى. جۇمىستا جالپى سوماسى 3 ملن دوللارعا 60 جوبا جۇمىستا تابىلادى, ولاردىڭ 26-سى – جاپونيادان, اقش-تان, تۇركيادان جانە ەۋروپادان كەلگەن شەتەل ينۆەستورلارى مەن تۇك-دىڭ قاتىسۋىمەن. بۇل جوبالار ەكونوميكانىڭ تەك ءداستۇرلى سەكتورىن عانا ەمەس, سونىمەن بىرگە, دەۆەلوپمەنتتى, ءبىلىم بەرۋدى, دەنساۋلىق ساقتاۋ مەن اقپاراتتىق تەحنولوگيالار سالاسىن قامتيدى.
