دەپۋتاتتار كەزدەسۋ اياسىندا ءبىلىم بەرۋ مەكەمەلەرىنىڭ وقىتۋ ادىستەرى مەن وقۋ-ماتەريالدىق بازاسىمەن تانىستى, وقۋ سىنىپتارىن, سپورت زالى مەن جاتاقحاناسىن كوردى. پارلامەتشىلەر قورعانىس مينيسترلىگى اسكەري كلينيكالىق گوسپيتالىندا دا بولدى.
كوميتەت مۇشەلەرى سول كۇنى ەلىمىزدىڭ ىشكى ىستەر مينيسترلىگىنىڭ ارنايى ماقساتتاعى بولىمشەلەرىنىڭ جاۋىنگەرلىك جانە ادىستەمەلىك دايارلىق ورتالىعىندا دا بولدى. اسكەري قىزمەتشىلەردى دايارلاۋ جانە قايتا دايارلاۋعا ارنالعان ورتالىقتىڭ ينفراقۇرىلىمى تانىستىرىلىپ, جاۋىنگەرلىك-قىزمەتتىك مىندەتتەردى ورىنداۋ جونىندەگى جاتتىعۋلار دا كورسەتىلدى.
كوشپەلى وتىرىسقا الماتى وبلىسىنىڭ باسشىلارى, قورعانىس ءمينيسترىنىڭ ورىنباسارى, گەنەرال-لەيتەنانت ت. مۇحتاروۆ, ۇقك توراعاسىنىڭ ورىنباسارى, شەكارا قىزمەتىنىڭ ديرەكتورى, گەنەرال-مايور د. ءدىلمانوۆ جانە الەۋەتتى مەكەمەلەردىڭ اسكەري قىزمەتكەرلەرى قاتىستى.
