ينۆەستيتسيالار جانە دامۋ ءبىرىنشى ۆيتسە-ءمينيسترى اليك ايدارباەۆ «جەر قويناۋى جانە جەر قويناۋىن پايدالانۋ تۋرالى» كودەكس جوباسىن قابىلداۋ بويىنشا مىندەتتى مەملەكەت باسشىسى حالىققا جولداۋىندا العا قويعانىن باياندادى. كودەكس جوباسى سونداي-اق CRIRSCO پايدالى قازبالار قورى بويىنشا ستاندارتتاردىڭ حالىقارالىق جۇيەسىن ەنگىزۋدى جانە بارلىق پايدالى قازبالار ءۇشىن كەلىسىم جاساۋدىڭ جەڭىلدەتىلگەن ءادىسىن ەنگىزۋدى قاراستىراتىن ۇلت جوسپارىنىڭ 74-ءشى جانە 75-ءشى قادامدارىن ورىنداۋ ءۇشىن ازىرلەنىپ جاتىر.
قازىر كسرو ۋاقىتىندا بارلانعان كەن ورىندارىنىڭ باسىم بولىگى وڭدەلىپ جاتقانى اتاپ ءوتىلدى. ءوندىرۋ قارقىندارى سوڭعى جىلدارى مينەرالدى-شيكىزاتتىق بازانى تولتىرۋ قارقىنىنان وزىپ كەلەدى. وعان قوسا, قازاقستاندا جاڭا كەن ورىندارىن اشۋدى ۇستاپ تۇراتىن گەولوگيالىق بارلاۋعا ينۆەستيتسيالاردىڭ جەتكىلىكسىز كولەمى بايقالۋدا.
وسىعان بايلانىستى, كودەكس جوباسىنىڭ نەگىزگى ماقساتتارى ەلدىڭ تۇراقتى ەكونوميكالىق دامۋى ءۇشىن مينەرالدىق-شيكىزاتتىق بازانى تولتىرۋدى قالىپتاستىرۋ, جاڭا جوبالاردى قۇرۋ, قوسىمشا جۇمىس ورىندارىنىڭ پايدا بولۋى بولىپ تابىلادى.
كومپانيالارعا جاعىمدى جاعداي جاساۋ ءۇشىن كودەكس جوباسىندا گەولوگيالىق اقپاراتتىڭ قولجەتىمدىلىگى, جەر قويناۋىن پايدالانۋ بويىنشا وپەراتسيالاردى جۇزەگە اسىرۋدىڭ ليتسەنزيالىق رەجيمىنە كوشۋ جانە ءبىرىنشى ءوتىنىم قاعيداسى (جەر قويناۋىن پايدالانۋعا قۇقىقتى بىرنەشە كۇندە الۋ جانە جەر قويناۋىنا جىلدام قولجەتىمدىلىكتى قامتاماسىز ەتۋ), مەملەكەت تاراپىنان مۇلتىكسىز باقىلاۋدان جىلدام بارلاۋدى ىنتالاندىراتىن ەكونوميكالىق تەتىكتەرگە كوشۋمەن رەتتەۋدى جەڭىلدەتۋ قاراستىرىلعان.
سونىمەن قاتار, كودەكس جوباسى ەكولوگيالىق جانە ونەركاسىپتىك قاۋىپسىزدىك بويىنشا تالاپتاردى كۇشەيتۋدى, جەر قويناۋىن پايدالانۋ سالدارىن جويۋدىڭ زاماناۋي پراكتيكاسىن ەنگىزۋدى قاراستىرادى. قۇندى مەتالداردىڭ شاعىن شاشىراندى كەن ورىندارىن يگەرۋ ءۇشىن كودەكس جوباسىندا ستاراتەلدىك ينستيتۋتى ەنگىزىلۋدە. مۇنىڭ ءبارى جاڭا جۇمىس ورىندارىن, ونىمدەردى قۇرۋعا, سالىق تۇسىمدەرىن ارتتىرۋعا, جەكە وڭىرلەردى دامىتۋعا سەپتىگىن تيگىزەدى.
سونداي-اق, كودەكس جوباسىندا قر-نىڭ دسۇ-نا كىرۋ جاعدايىنا سايكەس كەلتىرىلگەن جەرگىلىكتى قامتۋ بويىنشا تالاپتار ساقتالۋدا.
جالپى, «جەر قويناۋى جانە جەر قويناۋىن پايدالانۋ تۋرالى» كودەكس حالىقارالىق پراكتيكادا قابىلدانعان قاعيدالار مەن تاسىلدەردى ەنگىزۋگە, مەملەكەتتىك رەتتەۋدىڭ اشىق جانە تۇسىنىكتى ادىستەرىن قامتاماسىز ەتۋگە, مەملەكەتتىك اپپاراتتى ينۆەستيتسيالاردى قولداۋعا قايتا باعدارلاۋعا باعىتتالعان ىلگەرىندى زاڭنامالىق اكت بولۋى ءتيىس.
جاڭا تاسىلدەردى ىسكە اسىرۋ جەر قويناۋىن پايدالانۋ سالاسىنا جاڭا ينۆەستورلار اعىمىن تارتۋعا سەپتىگىن تيگىزەدى, بۇل كەلەشەكتە قوسىمشا جۇمىس ورىندارىن قۇرۋعا, جەكە وڭىرلەردى دامىتۋعا, ەكونوميكالىق تۇراقتىلىقتى نىعايتۋعا جانە ەلدىڭ باسەكەگە قابىلەتتىلىگىن جوعارىلاتۋعا كومەكتەسەدى.
