ەلباسى ن.نازارباەۆ قازاقستان حالقى اسسامبلەياسىنىڭ ءحىى سەسسياسىندا «قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا لاتىن الىپبيىنە كوشۋ تۋرالى ساليقالى ويلارىن جەتكىزدى مەملەكەت باسشىسى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا الداعى جىلدارى مىقتاپ قولعا الۋدى قاجەت ەتەتىن جوبالاردىڭ ءبىرى رەتىندە قازاق ءتىلىن لاتىن الىپبيىنە كوشىرۋ ماسەلەسىن ۇسىندى. وسىعان بايلانىستى اقپارات قۇرالدارىندا اشىق قوعامدىق پىكىرلەر ايتىلدى, لاتىن الىپبيىنە كوشۋدىڭ ارتىقشىلىقتارى مەن كەمشىلىكتەرى جونىندە ساراپتامالىق ماقالالار جازىلدى. قوعام قايراتكەرلەرى مەن زيالى قاۋىم وكىلدەرى لاتىن الىپبيىنە كوشۋدى قولداپ, ۇسىنىستار جاسادى.
پوستكەڭەستىك كەڭىستىكتەگى وزگە ۇلتتاردىڭ ساناسىن وتارلاپ, ءتىلىن جويىپ, ۇلتسىزداندىرۋ ماقساتىندا جاسالعان كيريلل الىپبيىنەن قۇتىلىپ, كوپۇلتتى ەلىمىزدى ۇيىستىراتىن, جەر بەتىندە تارىداي شاشىلعان قازاقتىڭ باسىن بىرىكتىرىپ ۇلتتىق بىرەگەيلىگىن قالىپتاستىراتىن, ءتۇبى ءبىر, ءتىلى ءبىر تۇركى حالقىمەن ورتاقتاستىرىپ بايلانىستىراتىن لاتىن ءالىپبيى تاۋەلسىز قازاقستان ءۇشىن تاريحي ءسات بولماق.
لاتىن الىپبيىنە كوشۋ – مەملەكەتتىك ماڭىزدى ءىس, ۇلتتىق مۇددەگە ارنالعان باعدارلاما. نەگىزگى مەجە – ماڭگىلىك ەل. ەلباسى ن.نازارباەۆ: «ەندى ەشكىم وزگەرتە المايتىن ءبىر اقيقات بار. انا ءتىلىمىز ماڭگىلىك ەلىمىزبەن بىرگە ماڭگىلىك ءتىل بولدى! ونى داۋدىڭ تاقىرىبى ەمەس, ۇلتتىڭ ۇيىتقىسى ەتە بىلگەنىمىز ءجون», دەپ جولداۋىندا ايتقانداي, ءالىپبيدى وزگەرتۋ ماڭگىلىك ەلدىڭ ماڭگىلىك ءتىلى ءۇشىن قاجەت. كوزدەگەن ماقساتقا جەتۋدىڭ جولى وسى.
ادىلبەك امىرەنوۆ,
پاۆلودار مەملەكەتتىك
پەداگوگيكالىق ينستيتۋتىنىڭ
دوتسەنتى
