قالالىق ءبىلىم بەرۋ ءبولىمىنىڭ مالىمەتىنشە, بيىل بىلتىرعىدان 800-گە ارتقان بالا سانىن باسقا وبلىستار مەن قالالاردان, ءوزىمىزدىڭ اۋىلداردان كوشىپ كەلگەن وتباسىلاردىڭ ۇل-قىزدارىمەن تولىققان. وكىنىشتىسى, اۋىلدان ەل كوشە بەرگەن سوڭ, وڭىردەگى اۋىل مەكتەپتەرى 2-3 عانا وقۋشىسىمەن بوس قالۋدا. جەرگىلىكتى جۇرت تۇراقتاماي, جاپپاي قالاعا كوشە بەرگەن سوڭ, سولتۇستىكتىڭ حالقىن كوشىرىپ اكەلمەكپىز. وبلىس ورتالىعىندا 44 مەكتەپ, 81 بالاباقشا بار. 2016-2017 وقۋ جىلىندا قالا مەكتەپتەرىندەگى وقۋشىلار سانى 38 مىڭ بولسا, بيىل 41 مىڭعا جەتكەن.
ءبىلىم بەرۋ جۇيەسىنىڭ ماتەريالدىق-تەحنيكالىق بازاسىن دامىتۋعا بيۋدجەتتەن 1,2 ملرد تەڭگە بولىنگەنى. بۇل قاراجاتقا 20 مەكتەپكە كۇردەلى جوندەۋ جۇمىستارى جۇرگىزىلىپ, الداعى جاڭا وقۋ جىلىندا وقۋشىلار جاڭارتىلعان باعدارلاما بويىنشا وقۋلىقتارمەن قامتاماسىز ەتىلىپتى. مەكتەپتەردەگى كومپيۋتەرلىك سىنىپتار 316 كومپيۋتەرمەن تولىعىپ, 25 مەكتەپتە روبوت تەحنيكاسى كابينەتتەرى اشىلىپتى. ال, الداعى 2017-2018 وقۋ جىلى وبلىستا 13 مىڭعا جۋىق بالا 1-سىنىپقا بارادى دەگەن مالىمەتتەر بار.
فاريدا بىقاي,
«ەگەمەن قازاقستان»
پاۆلودار
