شاراعا وبلىس اكىمى ە.توعجانوۆ, ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم بەرۋ دەپارتامەتىنىڭ ديرەكتورى ش.كارينوۆا «نازارباەۆ زياتكەرلىك مەكتەپتەرى» دببۇ ءتورايىمى ك.شامشيدينوۆا جانە ت.ب قاتىستى.
وتكەن وقۋ جىلىندا ماڭعىستاۋ وبلىسىنىڭ ءبىلىم سالاسى بىرقاتار جەتىستىكتەرگە جەتتى. وبلىس كومانداسى رەسپۋبليكالىق پاندىك وليمپيادادا باس جۇلدەگە يە بولدى. حالىقارالىق مەندەلەەۆ ءوليمپياداسىندا بىلىم يننوۆاتسيا ليتسەيىنىڭ 11 سىنىپ وقۋشىسى عالىمجان مولداعۇلوۆ 3 ورىندى يەلەندى. رەسەيدە وتكەن «World Skills» حالىقارالىق چەمپيوناتىندا تۋريزم جانە بەينەۋ پوليتەحنيكالىق كوللەدج ستۋدەنتتەرى تىلەكتەس القۋاتوۆ پەن ەركەبۇلان سۇلتانعاليەۆ جۇلدەلى ورىندار الدى.
بيىل مەملەكەتتىك ءبىلىم گرانتى يەگەرلەرى 2 ەسەگە ارتتى. 2016 جىلى – 542 گرانت بولسا, 2017 جىلى -1053 گرانت, ونىڭ ىشىندە «سەرپىن» باعدارلاماسى بويىنشا - 446, ال 2016 جىلى -158. جاڭاوزەن قالاسىنىڭ №18 ورتا مەكتەبىنىڭ 88 تۇلەكتىڭ ىشىنەن 41-ءى مەملەكەتتىك گرانتقا يە بولدى.
بيىلعى جىلدان باستاپ دارىندى بالالاردى قولداۋ ماقساتىندا وبلىس اكىمىنىڭ 50 ءبىلىم گرانتى ءبولىندى.
ساپالى ءبىلىم – قوماقتى قارجىنى تالاپ ەتەدى. جىل سايىن ءبىلىم سالاسىنا بولىنەتىن قارجى كولەمى ۇلعايىپ كەلەدى. وتكەن جىلمەن سالىستىرعاندا بيىلدىڭ وزىندە 14,6 ملرد, ءوستى. 2016 جىلى – 47,9 ملرد. بولسا, 2017 جىلى – 62,5 ملرد. قۇراپ وتىر.
وسى جىلى ماڭعىستاۋ وبلىسىندا 9 مەكتەپتىڭ قۇرىلىسى باستالدى.
قازىرگى تاڭدا وبلىسىڭ 700 مۇعالىمى اعىلشىن ءتىلىن وقىپ جاتىر. جاڭا وقۋ جىلىندا وبلىستىق بيۋدجەت ەسەبىنەن 300 اۋىل مەكتەپتەرىنىڭ ۇستازدارىن وقىتۋ كوزدەلىپ وتىر.
– ەلباسىمىز بيىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا ادامي كاپيتال ساپاسىن ارتتىرۋدى كۇن تارتىبىنە قويدى. ول ءۇشىن ءبىلىم بەرۋ جۇيەسىنىڭ ءرولىن ەكونوميكالىق ءوسۋدىڭ جاڭا مودەلىنىڭ ورتالىق بۋىنىنا اينالدىرۋمىز قاجەت. مەملەكەت باسشىسى ن.نازارباەۆ «بولاشاققا باعدار: رۋحاني جاڭعىرۋ» ماقالاسىندا ءبىلىم بەرۋ سالاسىنداعى ماڭىزدى ماسەلەلەردى شەشۋدىڭ باعدارلاماسىن ۇسىندى. ەندىگى باعىت-باعدار ايقىن. ماقساتىمىز – ۇلتتىق سانا-سەزىمى جوعارى, وتانشىل, تابىستى, جالپىادامزاتتىق جانە ۇلتتىق قۇندىلىقتاردى بويىنا سىڭىرگەن, ەل تاعدىرىنا ۇلكەن جاۋاپكەرشىلىكپەن قارايتىن تۇلعا تاربيەلەۋ, - دەدى ءوز سوزىندە ماڭعىستاۋ وبلىسىنىڭ اكىمى ەرالى توعجانوۆ.
شارا سوڭىندا بىرقاتار ۇزتازدار وبلىستىق اكىمدىكتىڭ, قر ءبىلىم جانە عىلىم مينيسترلىگىنىڭ قۇرمەت گراموتالارى, العىس حاتتارىمەن, «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى», «ى.التىنسارين» توسبەلگىلەرىمەن ماراپاتتالدى.
«ورتا ءبىلىم بەرەتىن ۇزدىك ۇيىم» وبلىستىق كونكۋرسىنىڭ گرانتىنا تۇپقاراعان اۋدانى اقشۇقىر مەكتەپ-ليتسەيى يە بولدى.
ءبىلىم بەرۋ ۇيىمدارىندا جىل بويى تابىستى ەڭبەك ەتىپ, ءتۇرلى دەڭگەيدە جەتىستىككە جەتكەن 10 ۇستازعا وبلىس اكىمى اتىنان ەلىمىزدىڭ شيپاجايلارىنا جولداما تابىستالدى.
كونفەرەنتسيادا پەداگوگتاردىڭ كاسىبي دەڭگەيىن ارتتىرۋ جانە وبلىستىڭ يننوۆاتسيالىق ءبىلىم جۇيەسىنىڭ دامۋى ماسەلەلەرى بويىنشا بىرلەسە جۇمىس اتقارۋ ماقساتىندا ماڭعىستاۋ وبلىسىنىڭ اكىمدىگى مەن «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ اراسىندا ءوزارا ىنتاماقتاستىق تۋرالى مەموراندۋمعا قول قويىلدى, دەلىنگەن ءباسپاسوز حابارلاماسىندا.
گۇلايىم شىنتەمىرقىزى,
«ەگەمەن قازاقستان»
