«قر ەنەرگەتيكا مينيسترلىگى 2017 جىلدىڭ سوڭىنا دەيىن توزىعى جەتكەن كولىك قۇرالدارىن قابىلداۋعا قوسىمشا 12 مىڭ كۆوتا ءبولدى. 26 تامىزدان باستاپ «وكم وپەراتورى» جشس قازاقستان بويىنشا ەسكى كولىگىن تاپسىراتىندارعا اقشالاي وتەماقى بەرۋ باعدارلاماسى قايتا جالعاستىرادى», - دەپ اتاپ وتىلگەن حابارلامادا.
ەستەرىڭىزگە سالا كەتەيىك, 16 تامىزدا ەسكى كولىكتەردى ساتىپ الۋ بويىنشا باعدارلاما ۋاقىتشا توقتاتىلعان ەدى, بۇعان 2017 جىلعا بولىنگەن كۆوتانىڭ مەرزىمىنەن بۇرىن يگەرگەرىلۋى سەبەپ بولدى.
15 تامىزداعى جاعداي بويىنشا قۇنىن وتەۋ باعدارلاماسى اياسىندا «وكم وپەراتورى» 27 665 ەسكى كولىك قابىلداپ, كولىك يەلەرىنە 4,1 ملن تەڭگە قاراجات اۋداردى.
سونىمەن قاتار ەسكى كولىكتەردى جويۋعا وتكىزىپ, جاڭا كولىك ساتىپ الۋعا جەڭىلدىك سەرتيفيكاتىن بەرەتىن باعدارلاما جۇزەگە اسىرىلۋدا. 2017 جىلدىڭ 26 ماۋسىمىندا قولعا الىنعان جوبا اياسىندا, بۇگىنگى كۇنگە دەيىن «وكم وپەراتورى 1 116 جەڭىلدىك سەرتيفيكاتىن بەردى. تابىستالعان سەرتيفيكاتتىڭ 417-ءى وتاندىق وندىرۋشىدەن 245 سۋ جاڭا اۆتوكولىك ساتىپ الۋعا پايدالانىلعان.
