ء«بىرىنشى جارتىجىلدىقتا ازىق-ت ۇلىك وندىرۋدە ينۆەستيتسيا كولەمى 31,6 ملرد تەڭگەنى قۇرادى نەمەسە وتكەن جىلدىڭ سايكەس كەزەڭىمەن سالىستىرعاندا 21 پايىزعا ءوستى. ينۆەستيتسيا بويىنشا ەلەۋلى ءوسىم سولتۇستىك قازاقستان وبلىسىندا (5,4 ەسە) جانە وڭتۇستىك قازاقستان وبلىسىندا (5ەسە) بايقالدى. وسىمدىك شارۋاشىلىعىندا اعىمداعى ءبىرىنشى جارتىجىلدىقتا ينۆەستيتسيا كولەمىنىڭ ارتۋى 61 پايىزدى, ال مال شارۋاشىلىعىندا 27 پايىزدى قۇرادى», - دەدى يساەۆا.
ۆيتسە-ءمينيستردىڭ اتاپ وتۋىنشە, شەتەلدىك ينۆەستورلارعا اۋىل شارۋاشىلىعى شيكىزاتىن وڭدەۋ باعىتى قىزىعۋشىلىق تۋدىرىپ وتىر, ياعني بۇل باعىتتا ءوسىم قارقىنى 5,2 پايىز. وسى ورايدا ۇن مەن ۇننان جاسالعان جانە ەت ونىمدەرى, شۇجىق, جارتىلاي فابريكات, كونسەرۆىلىك ونىمدەر قامتىلۋدا.
«بۇل ءوز كەزەگىندە قازاقستان شيكىزاتقا باي ەكەنىن بىلدىرەدى. اتاپ ايتقاندا, قازىرگى زامانعى قايتا وڭدەۋ وندىرىستەرىنىڭ سانىن ارتتىرۋدا بارلىق مۇمكىندىكتەرگە يەمىز. وسى ارقىلى ەكسپورتقا وڭدەلگەن ونىممەن شىعۋعا جاعداي بار», - دەدى ءمينيستردىڭ ورىنباسارى.
