"تۋعان جەرگە, اۋىل-اۋىلعا نەمقۇرايلى قاراماۋ كەرەك. تۋعان جەردىڭ ءاربىر توپىراعى, ءاربىر وسىمدىگى, ءاربىر قۇمىرسقاسى ءبىز ءۇشىن وتە قىمبات. وتاندى ءسۇيۋ - ەلىڭدى ءسۇيۋ دەگەننەن باستالادى. وسىعان بايلانىستى قازاقستاننىڭ كيەلى جەرلەرى دەپ وتىرمىز. پاريجگە بارساڭ, ناپولەوننىڭ جاتقانى جەرىن كورسەتەدى, ءوزىنىڭ تاريحىن, ەيفەل مۇناراسىن كورسەتەدى, ال يسپانياعا بارساڭ ءوزىنىڭ بۇرىنعى استاناسىن كورسەتەدى, تاۋ-سۋلارىن كورسەتەدى. سول سياقتى ءار ەلدىڭ ءبىر نىساندارى بار. قازاقستان دا ەشكىمنەن كەم ەمەس. ءبىزدىڭ دە كيەلى جەرلەرىمىز بار", - دەدى قازاقستان پرەزيدەنتى.
سونىمەن قاتار, نازارباەۆ ەلدىڭ ءار جەرىندەگى نازار اۋدارارلىق مۇرالارىمىزدى سانامالاپ بەردى.
كيەلى جەر دەگەندە اتا-بابالاردىڭ مولاسىن, مازارىن ايتۋدىڭ قاجەتى جوق.ء "بىزدىڭ قازاق وعان دا ءتۇسىپ كەتەدى. كيەلى جەر دەگەن قازاقتىڭ ءوزىنىڭ بىلەتىن جەرلەرى, ەسىندە ساقتاپ, ەكىنشى سول تۇراتىن اۋداننىڭ, وبلىستىڭ جەرلەرى, ءۇشىنشى, دۇنيە جۇزىنە بەلگىلى نىساندار. ەندى وسىعان كەلەيىك, ءبىزدىڭ ەسىمىزگە ءا دەگەندە نە تۇسەدى؟ قوجا احمەت ءياسساۋيدىڭ كەسەنەسى تۇسەدى. ارىستان باب تۇسەدى. باتىس قازاقستاندى ايتساق, مۇراجاي سياقتى بولىپ جاتقان دالاسى ەسىمىزگە تۇسەدى. اتىراۋدى ايتساق, باياعى التىن وردانىڭ جايىقتىڭ بويىندا جاتقان حاندارى ەسىمىزگە تۇسەدى. ورتالىق قازاقستاندى ايتساق, " ۇلىتاۋ", قازاقتىڭ حاندارى جينالعان جەرى. شىعىسقا بارساق, ساق زامانىنان بەرگى قازبا قۇندىلىقتارى دۇنيە جۇزىنە بەلگىلى بولىپ كەلە جاتىر. وڭتۇستىككە بارساق, التىن ادامنىڭ شىققان جەرلەرى... سونداي-سونداي, دۇنيە جۇزىنە كورسەتەتىن كيەلى جەرلەر بار, ءوزىمىزدىڭ كيەلى جەرلەر بار. ولار نە ءۇشىن كەرەك؟ ول ىشكى ءتۋريزمدى الدىمەنەن دامىتۋ", - دەيدى ەلباسى.
نازارباەۆ قازىرگى كەزدە شەتەلگە بارىپ دەمالعىسى كەلمەيتىنىن ايتتى. ونىڭ پىكىرىنشە, بۋرابايعا جەتەر اسەم جەر جوق.
"قازىر كەڭدىك بولعاننان كەيىن جەر شارىن شارقىپ, اندا بارامىز, مۇندا بارامىز, دەمالىسقا اندا دا, مۇندا دا كەتەمىز. ءبىر قازاقتان "قازاقستاننىڭ بارلىق جەرىن ارالاپ شىقتىڭ با" دەپ سۇراپ كورسەڭ, ونداي از. مىسالى مەن وسى جىلداردىڭ ىشىندە قازاقستاننىڭ مەن بارماعان تۇكپىرى جوق دەپ مەن ايتا الامىن. 7500 اۋىلدىڭ بارىندە بولماعان شىعارمىن. ال 165 اۋدانىڭ بارىندە بولعان شىعارمىن. مەن دۇنيەدەگى ادامدار دەمالاتىن جەرلەردى كورىپ شىققان اداممىن. كەلە جاتقان ۇرپاققا دا, زامانداستارىما دا ايتا الامىن. مەن قازىر ەشقايدا بارعىم كەلمەيدى دەمالىسقا. قازىر بۋرابايدا وتىرمىز, مۇنداي كەرەمەت جەردى ەش جەردە كورمەيسىڭ وسى كۇنى. تابيعاتى ساقتالعان, ادەمى, جەردىڭ ءجانناتى سياقتى. كولى دە بار, تاۋى دا بار, سۋى دا بار. ءدال وسىلاي شىعىس قازاقستانعا بارساڭ, ادامنىڭ اياعى باسپاعان. ەرتىستىڭ سۋىنىڭ سەكسەن پايىزى ءوزىمىزدىڭ وزەندەردەن قۇرىلاتىنىن اركىم بىلە بەرمەيدى. سول وزەندەردىڭ بارلىعى سارقىراپ, ەرتىسكە قۇيىلىپ جاتىر, ءار وزەننىڭ بارلىعى كەرەمەت, الاتاۋدىڭ باۋرايى ءوز الدىنا", - دەدى نازارباەۆ.
