مۇمكىندىگى شەكتەۋلى جانە ومىرلىك قيىن جاعدايعا تاپ بولعان ازاماتتاردىڭ پروبلەمالارىنا قوعامنىڭ نازارىن اۋدارۋ ماقساتىندا ۇيىمداستىرىلعان بۇل كونكۋرسقا وبلىستاعى اۋدان, قالادان 10 ءوتىنىم كەلىپ ءتۇستى.
الەۋمەتتىك جوبالاردى قوعامدىق بىرلەستىكتەر مەن ۇكىمەتتىك ەمەس ۇيىمدار, قاۋىمداستىقتار جانە زاڭدى تۇلعالار جۇزەگە اسىرۋدا.
كەلىپ تۇسكەن جوبالار وبلىستىق ىرىكتەۋ كوميسسيانىڭ وتىرىسىندا قارالىپ, ناتيجەسىندە «سانا سەزىم» ايەلدەر باستامالىق قۇقىقتىق ورتالىعىنىڭ «ادام ساۋداسى» اتتى الەۋمەتتىك جوباسى جەڭىمپاز اتاندى.
اۆتورى «سانا سەزiم» ايەلدەر باستامالارى قۇقىقتىق ورتالىعىنىڭ پرەزيدەنتى حاديشا ابىشەۆا بولىپ تابىلاتىن جوبا اياسىندا ولار ازاماتتارعا الەۋمەتتىك-تۇرمىستىق, الەۋمەتتىك-پسيحولوگيالىق, الەۋمەتتىك-مەديتسينالىق, الەۋمەتتىك-پەداگوگيكالىق, الەۋمەتتىك-قۇقىقتىق, الەۋمەتتىك-مادەني سىندى قىزمەت تۇرلەرىن كورسەتەدى.
ەندى الەۋمەتتىك جوبا وبلىس اتىنان 2017 جىلى 20 قىركۇيەكتە استانا قالاسىندا وتەتىن رەسپۋبليكالىق كورمەگە قاتىساتىن بولادى.
ايتا كەتەيىك, ەلىمىزدە وتباسىلىق قاتىناستاردى, مورالدىق-ەتيكالىق جانە رۋحاني-ادامگەرشىلىك قۇندىلىقتاردى نىعايتۋ ماقساتىندا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇيىمداستىرۋىمەن 2013 جىلدان باستاپ وتكىزىلىپ كەلەدى.
