باسقوسۋدى قازاقستان حالقى وبلىستىق اسسامبلەياسىنىڭ حاتشىلىق مەڭگەرۋشىسى نايل ساليموۆ اشىپ, دوستىق ۇيىندە-23, جەرگىلىكتى جەرلەردە 100-دەن استام ەتنومادەني بىرلەستىكتەر جۇمىس ىستەيتىنىن, ولاردىڭ ەتنوسارالىق, كونفەسسياارالىق بىرلىگىمىزگە جان-جاقتى قولداۋ كورسەتىپ كەلە جاتقانىن اتاپ ءوتتى. جاستار جانە ۇكىمەتتىك ەمەس ۇيىمدارمەن تىعىز بىرلىكتە جۇمىس ىستەيمىز, دەدى ول.
سولتۇستىك قازاقستان مەملەكەتتىك ۋنيۆەرسيتەتىنىڭ دوتسەنتى گۇلباقشا مۇساباەۆا جەرگىلىكتى تاجىريبەگە سۇيەنە وتىرىپ «قوعامدىق كەلىسىم مەن جالپىۇلتتىق بىرلىكتىڭ قازاقستاندىق ۇلگىسىن دامىتۋداعى قازاقستان حالقى اسسامبلەياسىنىڭ ءرولى» دەگەن تاقىرىپتا بايانداما جاسادى. «باربانگ» كۇردتەر اسسوتسياتسياسى وبلىستىق فيالىنىڭ توراعاسى راشيد ناديروۆ جاس بۋىن بويىنا تاريحىمىزدى, قۇندىلىقتارىمىزدى ۇلىقتاۋ, وتاندى ءسۇيۋ قاسيەتتەرىن ۇيالاتۋدىڭ ماڭىزدىلىعىن جەتكىزدى. «كوپەرنيك» وبلىستىق پولياك مادەني ورتالىعىنىڭ ءتورايىمى ۆالەنتينا كورنەۆا ء وز ويىن «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان قازاقستاندىق پاتريوتيزم ماسەلەسىمەن ساباقتاستىردى.
كونفەرەنتسيادا سويلەگەن وزگە شەشەندەردىڭ وي-پىكىرلەرى كەز كەلگەن حالىقتىڭ قۋاتى–ونىڭ بىرلىگىندە. قازاقستان – ەتنوسارالىق كەلىسىم سالاسىندا تاجىريبەسى مول, بىرەگەيلىك پەن بىرتەكتىلىكتىڭ قايتالانباس مودەلىن قالىپتاستىرۋشى ەل. ءبىزدىڭ ارتىقشىلىعىمىز دا, كۇشىمىز دە – بىرتۇتاستىعىمىزدا. سوندىقتان, وسى ءبىر ازاماتتىق قاعيداتتاردى ودان ءارى نىعايتۋ «ماڭگىلىك ەل» يدەياسىنا نەگىزدەلۋى ءتيىس, دەگەن پايىمدارعا نەگىزدەلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى.
