«ەگەر دە كەز كەلگەن ولشەم قۇرالدارىنىڭ ناتيجەلەرى ادامدار ومىرىندەگى جاعدايلارعا اسەر ەتسە, ول مەملەكەتتىك مەترولوگيالىق باقىلاۋ اياسىندا قارالادى. ياعني جول-پاترۋلدىك پوليتسيا قىزمەتكەرلەرىنىڭ قولىنداعى ءاربىر جىلدامدىق ولشەگىش قۇرالدارى دا بۇگىنگى تاڭدا مىندەتتى تۇردەگى سالىستىرىپ تەكسەرۋدەن وتەدى. وسى رەتتە ولاردىڭ سايكەسىنشە سەرتيفيكاتتارى بولۋى ءتيىس», - دەدى ت. جولدىبەكوۆ.
ونىڭ سوزىنە قاراعاندا, قازاقستاندا سالىستىرىپ تەكسەرۋ جۇمىستارىن ءاربىر زاڭدى تۇلعالار جۇرگىزە الادى. اتاپ ايتقاندا, بۇل باعىت نارىققا بەرىلگەن.
«مىندەتتى تۇردە بىزگە كەلىپ جاساۋ كەرەك دەگەن تالاپ جوق. سەبەبى قازىرگى تاڭدا بۇل سالا نارىقتا. قازاقستان رەسپۋبليكاسىندا ولشەم بىرلىگىن قامتاماسىز ەتۋدىڭ ءتيىستى ءتىزىلىمى بار. سوندا بۇكىل مەملەكەتتىك مەترولوگيالىق باقىلاۋدا قولدانىلاتىن ولشەم قۇرالدارى ەنگىزىلگەن. ەگەر وسى تىزىلىمدەگى جىلدامدىق ولشەۋ قۇرالى بولسا, وندا ول مىندەتتى سالىستىرىپ تەكسەرۋگە جاتادى. اتاپ وتەتىن جايت, بۇنداي جىلدامدىق ولشەگىش قۇرالدارىنىڭ تۇرلەرى كوپ. ساراپتاما جاساعاننان كەيىننەن عانا ناقتى وسى قۇرال تىزىلىمدە بار ەكەنىن ناقتى ايتۋعا بولادى», - دەپ ءتۇسىندىردى قازاقستان مەترولوگيا ينستيتۋتىنىڭ وكىلى.
وسى ورايدا ول اتالعان تىزىلىمدە جوق جىلدامدىق ولشەگىش قۇرالى پايدالانىلسا, بۇل ارەكەت زاڭسىز بولىپ سانالاتىنىن اتاپ ءوتتى. سوندىقتان بۇنداي فاكتىلەر انىقتالعان جاعدايدا, وسى باعىتتا قاجەتتى تۇگەندەۋ مەن تەكسەرۋ قادامدارى كەرەك بولادى.
