بۇل تۋرالى استانا اكىمدىگى مەديا ورتالىعىنىڭ تىلشىسىنە بەرگەن سۇحباتىندا الەۋمەتتىك بەيىمدەۋ ورتالىعى ديرەكتورىنىڭ ورىنباسارى دينارا شاپينا ءمالىم ەتتى.
«ورتالىقتىڭ قىزمەتىن الۋشى ازاماتتارعا قالا كاسىپكەرلەرى مەن جەكەلەگەن شارۋا قوجالىقتارىنان جۇمىسقا قابىلداۋ تۋرالى ۇسىنىس ءتۇستى جانە ءالى ۇسىنىلىپ وتىر. تۇراتىن جەرى, ىشەتىن تاماعى مەن تۇراقتى جالاقى ۇسىنعاننىڭ وزىندە بۇل ازاماتتار دايىن جۇمىستان باس تارتىپ وتىر», - دەدى دينارا شاپينا.
ونىڭ ايتۋىنشا, ورتالىقتىڭ قىزمەتىن الۋشىلارىن جۇمىسپەن قامتۋ ماقساتىندا قالالىق مەكەمەلەرمەن بىرلەسىپ تۇراقتى تۇردە شارالار وتكىزىپ وتىرادى.
«ورتالىققا جەتكىزىلىسىمەن ەلىمىزدىڭ زاڭنامالارىنا سايكەس, باستاپقى مەديتسينالىق تەكسەرۋدەن باستاپ 8 ءتۇرلى قىزمەت كورسەتىلەدى. ارقايسىمەن اڭگىمە جۇرگىزىلىپ, جەكە باسىن انىقتاپ, قۇجاتتارىن قالىپقا كەلتىرىپ بەرەمىز. ال جۇمىسقا كەلگەندە ق ۇلىقسىز. دايىن جۇمىس ىستەگىلەرى كەلمەيدى. سەبەبى, بوس ءجۇرىپ, ەركىن ومىرگە ۇيرەنىپ العان», - دەدى ديرەكتوردىڭ ورىنباسارى.
