باسقوسۋدىڭ رەسمي بولىمىندە قازاقستان تاراپىنان اقپارات جəنە كوممۋنيكاتسيالار ءمينيسترى دəۋرەن اباەۆ ءسوز سويلەپ, انگولا ەلىنە كورمەگە قاتىسقاندارى ءۇشiن العىس ايتىپ, ساتتiلiك تiلەدi. «بارشاعا ارنالعان ەنەرگيا» دەپ اتالاتىن انگولا پاۆيلونى بiزدiڭ مەملەكەت باسشىسى نۇرسۇلتان نازارباەۆ ۇسىنعان ماڭىزدى ءارi اۋقىمدى تاقىرىپتى تولىق اشادى. ەنەرگيا ادامزاتتىڭ وزەكتi پروبلەمالارىنىڭ بiرi بولىپ قالىپ وتىر. ءارi ول ءومiرiمiزدiڭ كوپتەگەن سالالارىنا ىقپال ەتەدi», دەدى مينيستر.
انگولا رەسپۋبليكاسىنىڭ ەكونوميكا ءمينيسترى ابراۋ پيۋ دوس سانتوس گورجەلدىڭ ايتۋىنشا, قازiرگi زاماندى ەنەرگياسىز ەلەستەتۋگە كەلمەيدi. سوندىقتان, استانادا ءوتiپ جاتقان ەكسپو-2017 حالىقارالىق كورمەسi بۇكiل الەم حالقىن عالامدىق ەنەرگەتيكالىق ديالوگ الاڭىنا توپتاستىرادى. «كورمەنىڭ تاقىرىبى وتە دۇرىس تاڭدالعان. ەنەرگيا – قاتىناس قۇرالدارى مەن ءوندىرىس وشاقتارىنىڭ قوزعاۋشى كۇشى. ال ونى تابيعي كوزدەردەن ءوندىرۋ وتە ماڭىزدى. انگولا وسىنداي حالىقارالىق شاراعا قاتىسقانىن ابىروي دەپ بىلەدى. كورمە ءتۇرلى تاجىريبەنى بىرىكتىرىپ, جاھاندى جاسىل ەنەرگيامەن قامتاماسىز ەتۋگە ۇلكەن ۇلەس قوسادى دەپ سەنەمىن. قازاق حالقىنىڭ قوناقجايلىعى مەن ىستىق ىقىلاسى ءۇشىن العىس ايتامىن», دەدى ابراۋ پيۋ دوس.
مەرەكەلىك كەشتەن كەيiن قوناقتار ەكى ەلدىڭ پاۆيلوندارىن ارالادى. داۋرەن اباەۆ انگولا رەسپۋبليكاسى ەكونوميكا مينيسترiنiڭ يىعىنا شاپان جاپتى.
ەكسپو قالاشىعىندا ۇلتتىق كۇنىن تويلاعان مەملەكەت بيلىگى كەدەيلىكپەن كۇرەسىپ, جاسىل ەنەرگيانى دامىتۋدى كوزدەۋگە كوشكەن. وسىلايشا ەل ەكونوميكاسىنىڭ دامۋىن جەدەلدەتپەك. ال حالىقارالىق شارا رەسپۋبليكانىڭ جاسىل ەنەرگيا سالاسىنداعى ۇزدىك تاجىريبەسىن كورسەتىپ, وزگەمەن پىكىر الماسۋعا جانە تىڭ تەحنولوگيالارمەن تانىسۋىنا مول مۇمكىندىك بەردى.
