فوتو: parlam.kz
دەپۋتاتتىڭ ايتۋىنشا, 2020 جىلى ەلىمىزدە شامامەن 50 مىڭ ۆولونتەر بولسا, بۇگىندە ولاردىڭ سانى 300 مىڭ ادامعا جەتكەن. قازىر 800-دەن استام ۇيىم الەۋمەتتىك جوبالاردى جۇزەگە اسىرىپ, ۇلتتىق جانە 20 وڭىرلىك فرونت-وفيس جۇمىس ىستەيدى. ۆولونتەرلەر ەكولوگيا, ءبىلىم, مادەنيەت, الەۋمەتتىك قولداۋ جانە توتەنشە جاعدايلاردىڭ سالدارىن جويۋ سالالارىندا بەلسەندى.
نيكولاي ارسيۋتين بۇل ماسەلەنىڭ وزەكتىلىگىن ەرەكشە اتاپ ءوتتى.
ء«ىس جۇزىندە بۇل – قوعام ءۇشىن ماڭىزدى مىندەتتەردى شەشۋگە ۇلەس قوسىپ جۇرگەن, نەگىزىنەن جاستاردان قۇرالعان ۇلكەن ازاماتتار توبى. سوندىقتان ۆولونتەرلىك قىزمەتتى تانۋ مەن قولداۋ مەملەكەتتىك ساياساتتىڭ ماڭىزدى باعىتىنا اينالۋى ءتيىس», دەدى دەپۋتات.
سوعان قاراماستان, قولدانىستاعى زاڭنامادا ۆولونتەرلىك قىزمەت تەك قوعامدىق بەلسەندىلىك رەتىندە قاراستىرىلىپ كەلەدى. سونىڭ سالدارىنان ۆولونتەرلىك ەڭبەك وتىلىنە ەنگىزىلمەيدى جانە ول ازاماتتارعا ەڭبەك نەمەسە ساقتاندىرۋ قۇقىقتارىن بەرمەيدى. قازىرگى تاڭدا تەك ۆولونتەرلىك ساعاتتاردى ەسەپكە الۋ, ءبىلىم گرانتتارىنا ءتۇسۋ كەزىندە جەڭىلدىكتەر قاراستىرۋ سياقتى شەكتەۋلى تەتىكتەر بار.
برايل قارپى, سۋردواۋدارما جانە ەرىكتىلەر: داۋىس بەرۋ ۋچاسكەلەرىندە بارلىق جاعداي جاسالعان
تاعى ءبىر ماڭىزدى ماسەلە – ۆولونتەرلەردىڭ ءومىرى مەن دەنساۋلىعىن ساقتاندىرۋ. بۇل باعىتتا ناقتى مىندەتتى تالاپتار زاڭدا قاراستىرىلماعان. ن. ءارسيۋتيننىڭ ايتۋىنشا, بۇل ولقىلىق ەرىكتىلەردىڭ قاۋىپسىزدىگىنە تىكەلەي اسەر ەتەدى.
«قازىرگى تاڭدا ساقتاندىرۋ تەك ەرىكتى سيپاتتا جۇزەگە اسىرىلادى جانە بارلىق جاعدايدا قولدانىلمايدى. بۇل ماسەلەنى جۇيەلى تۇردە شەشۋ قاجەت», دەدى ول.
دەپۋتات سونداي-اق مەملەكەت باسشىسى بۇعان دەيىن ۆولونتەرلىك ساعاتتاردى ەڭبەك وتىلىنە ەسەپتەۋ ماسەلەسىن كوتەرگەنىن ەسكە سالدى. الايدا 2024-2026 جىلدارعا ارنالعان جول كارتاسىندا بۇل باعىتتا ناقتى شارالار تولىق كورىنىس تاپپاعان.
وسىعان بايلانىستى دەپۋتاتتار ناقتى ۇسىنىستارىن جەتكىزدى. اتاپ ايتقاندا, ۆولونتەرلىك ساعاتتاردى ەڭبەك وتىلىنە ەسەپتەۋ بويىنشا پيلوتتىق جوبانى ىسكە قوسۋ ۇسىنىلدى. بۇل باستاما, ەڭ الدىمەن, الەۋمەتتىك باعىتتا تۇراقتى تۇردە قىزمەت ەتەتىن ەرىكتىلەرگە ارنالماق.
ء«بىز بۇل تەتىكتى ەڭ الدىمەن قارتتارعا, مۇمكىندىگى شەكتەۋلى جاندارعا جانە الەۋمەتتىك وسال توپتارعا كومەكتەسىپ جۇرگەن ازاماتتارعا باعىتتاۋدى ۇسىنامىز», دەدى ن. ارسيۋتين.
سونىمەن قاتار دەپۋتاتتار ۆولونتەرلەرگە قوسىمشا الەۋمەتتىك كەپىلدىكتەر بەرۋ, ونىڭ ىشىندە ءومىرى مەن دەنساۋلىعىن ساقتاندىرۋدى ەنگىزۋ قاجەتتىگىن كوتەردى. بۇل ۇسىنىستار 2030 جىلعا دەيىنگى ۆولونتەرلىكتى دامىتۋعا ارنالعان جاڭا باعدارلامالىق قۇجاتتا ەسكەرىلۋى ءتيىس.
حالىقارالىق تاجىريبەگە نازار اۋدارعان دەپۋتاتتار كوپتەگەن ەلدە ۆولونتەرلىك ەڭبەك وتىلىنە ەنگىزىلمەگەنىمەن, ەرىكتىلەردى قولداۋدىڭ ءتيىمدى تەتىكتەرى قالىپتاسقانىن اتاپ ءوتتى. ماسەلەن, كەيبىر مەملەكەتتەردە ۆولونتەرلەردى مىندەتتى ساقتاندىرۋ جۇيەسى جۇمىس ىستەيدى.
جالپى, حالىق قالاۋلىلارىنىڭ پىكىرىنشە, قازاقستاندا ۆولونتەرلىك قوزعالىستى دامىتۋ ءۇشىن ينستيتۋتسيونالدىق قولداۋدى كۇشەيتۋ قاجەت. بۇل قوعامداعى ازاماتتىق بەلسەندىلىكتى ارتتىرىپ, الەۋمەتتىك جاۋاپكەرشىلىكتى نىعايتۋعا ىقپال ەتەدى.
«تازا قازاقستان»: ەرىكتىلەر 18 ميلليوننان استام اعاش وتىرعىزدى
