Digital Qazaqstan فورۋمى العاش رەت 27 ناۋرىز كۇنى ەلىمىزدىڭ ماڭىزدى يندۋستريالىق جانە ەكونوميكالىق ورتالىقتارىنىڭ ءبىرى شىمكەنت قالاسىندا وتەدى.
2026 جىلدان باستاپ Digital Qazaqstan فورۋمى جىل سايىن قازاقستاننىڭ ءارتۇرلى قالالارىندا ۇيىمداستىرىلىپ, ۇلتتىق دەڭگەيدەگى تەحنولوگيالىق جانە تسيفرلىق دامۋ ەكوجۇيەسىن قالىپتاستىرادى. فورۋمنىڭ شىمكەنتتە ءوتۋى ناقتى سەكتوردى تسيفرلاندىرۋ, ونەركاسىپتە جاساندى ينتەللەكتىنى ەنگىزۋ جانە وڭىرلەر مەن ۇلتتىق تەحنولوگيالىق ەكوجۇيە اراسىنداعى بايلانىستى كۇشەيتۋ ماسەلەلەرىن تەرەڭ تالقىلاۋعا مۇمكىندىك بەرەدى.
Digital Qazaqstan: ەنەرگەتيكا ينفراقۇرىلىمى ونلاين جۇيەگە بىرىكتىرىلدى
Digital Qazaqstan 2026 فورۋمىنىڭ نەگىزگى تاقىرىبى Industry 5.0 توڭىرەگىندە بولماق. اتاپ ايتقاندا, Industry 5.0 تۇجىرىمداماسى ادام مەن تەحنولوگيانىڭ ۇيلەسىمدى ءوزارا ارەكەتىنە نەگىزدەلگەن. بۇل باعىتتا جاساندى ينتەللەكت, دەرەكتەر جانە روبوتوتەحنيكا ادام الەۋەتىن ارتتىرۋعا, ەكونوميكانىڭ تيىمدىلىگىن كوتەرۋگە جانە تۇراقتى دامۋدى قامتاماسىز ەتۋگە قىزمەت ەتەدى. فورۋم اياسىندا مەملەكەتتىك ورگانداردىڭ, بيزنەس وكىلدەرىنىڭ, حالىقارالىق كورپوراتسيالاردىڭ, ينۆەستورلاردىڭ, تەحنولوگيالىق كومپانيالاردىڭ, ستارتاپتاردىڭ جانە ساراپشىلار قاۋىمداستىعىنىڭ قاتىسۋىمەن ەكونوميكانىڭ نەگىزگى سالالارىنا تسيفرلىق جانە AI-شەشىمدەردى ەنگىزۋدىڭ پراكتيكالىق جولدارى تالقىلانادى دەپ جوسپارلانىپ وتىر.
Digital Qazaqstan Battle ۇلتتىق ستارتاپ-باتلىنىڭ فيناليستەرى انىقتالدى
فورۋمنىڭ ىسكەرلىك باعدارلاماسى اياسىندا پلەنارلىق وتىرىس, سالالىق پانەلدىك سەسسيالار, دوڭگەلەك ۇستەلدەر, IT-كومپانيالار مەن ستارتاپتاردىڭ كورمەسى, تەحنولوگيالىق بايقاۋلار مەن جارىستار, حاكاتوندار, سونداي-اق تسيفرلىق جانە تەحنولوگيالىق ترانسفورماتسيا سالاسىنداعى ۇزدىك ۇلتتىق جانە وڭىرلىك تاجىريبەلەردى ماراپاتتاۋعا ارنالعان Digital Qazaqstan Awards سالتاناتتى ءراسىمى وتەدى.
Digital Qazaqstan: تەحنولوگيالىق دەربەستىك پەن تسيفرلىق ورلەۋ جولى
