ءمىنسىز قازاقستاندىق كليەنت نارىقتاعى بانك ونىمدەرى تۋرالى دەرەكپەن تانىسىپ وتىرادى, قارجىلىق ساۋاتتىلىعىن ارتتىرۋعا تىرىسادى, بولاشاققا دەپ اقشا جينايدى جانە قارىزدى قايتارۋعا قاتىستى ءوز جاۋاپكەرشىلىگىن تولىق سەزىنەدى. بانك قىزمەتتەرىن پايدالانۋشى كليەنتتىڭ پورترەتىنە قاتىستى زەرتتەۋ جۇرگىزگەن بانك حوۋم كرەديت ساراپشىلارى وسىنداي قورىتىندىعا كەلىپ وتىر.
جوبا ناتيجەلەرى 22 شىلدە كۇنى استانادا الەمنىڭ 11 ەلىندە قىزمەتىن ۇسىناتىن حالىقارالىق حوۋم كرەديت توبىنىڭ جيىرما جىلدىعىنا وراي ۇيىمداستىرىلعان شارا اياسىندا تانىستىرىلدى. كەزدەسۋگە استانانىڭ الدىڭعى قاتارلى باق وكىلدەرى مەن ترەندسەتتەرلەر كەلدى. جۋرناليستەر مەن بلوگەرلەرگە ارناپ ارنايى قارجىلىق ساۋاتتىلىق بويىنشا سەمينار, «اقشا اعىنى» قارجى ترانسفورماتسيالىق ويىنى ۇيىمداستىرىلدى. سونىمەن قاتار بولىمشەگە كەلگەن ءار قوناق بانك باسشىلىعىمەن تانىسىپ, كەڭەس الىپ, جەكە قارجى, بانك ونىمدەرىن دۇرىس تاڭداۋ تۋرالى سۇراقتار قويا الاتىن اشىق ەسىك كۇنى دە ءوتتى.
قارجىلىق ساۋاتتىلىق جوباسىنىڭ اياسىندا بانك ساراپشىلارى بانك قىزمەتتەرىن پايدالاناتىن ءمىنسىز قازاقستاندىق تۇتىنۋشىنىڭ نەگىزگى ەرەكشەلىكتەرىن انىقتادى. ول ءۇشىن ۇيىم وكىلدەرى حالىق اراسىندا جۇرگىزىلگەن ساۋالناما ناتيجەلەرى مەن 2005-2017 جىلدار ارالىعىنداعى بانكتىڭ نەگىزگى قارجىلىق كورسەتكىشتەرىن سارالاپ شىققان.
ساراپشىلاردىڭ مالىمەتتەرى بويىنشا, بانك قىزمەتتەرىن پايدالاناتىن ءمىنسىز قازاقستاندىق تۇتىنۋشى – قارىزدى قايتارۋ تۋرالى ءوز جاۋاپكەرشىلىگىن تولىق تۇسىنەتىن ادام. ول نەسيە كەلىسىم-شارتىن مۇقيات وقيدى, تۇسىنبەگەن نەمەسە قۇجاتتان تاپپاعان ماسەلەلەر بويىنشا نەسيە كەڭەسشىسىنە سۇراقتار قويادى. سونداي-اق ءمىنسىز تۇتىنۋشى نارىقتاعى بانك ونىمدەرىن زەرتتەپ, زەردەلەپ وتىرادى, ءتۇرلى ۇسىنىستاردى قاراستىرادى, وزىنە كەرەگىن تاڭداي الادى جانە قارجىلىق ساۋاتتىلىعىن ارتتىرۋعا تىرىسادى. قارجىلىق ساۋاتتىلىق باعدارلاماسى باستالعالى بەرى سەمينارلارعا قاتىسقىسى كەلەتىن جانداردىڭ سانى 3 ەسە, كەزدەسۋ بارىسىندا تالقىلاناتىن تاقىرىپتار قاتارى 4 ەسە ارتقان. قاتىسۋشىلاردىڭ 99%-ى شارالاردىڭ اسا پايدالى بولعانىن, وتباسىنداعى قارجىلىق جاعدايدى جاقسى جاققا وزگەرتۋگە ىقپال ەتكەنىن ايتادى.
قارجىلىق ساۋاتتىلىق بويىنشا شارالارعا قاتىسۋشىلاردىڭ 55%-ى كۇندەلىكتى شىعىندارىن جازىپ وتىرۋدى, جەكە جانە وتباسىلىق بيۋدجەتتى جوسپارلاۋدى قولعا العاندارىن جەتكىزدى. سەمينارلاردا بولعانداردىڭ 90%-دان استامى اقشا جيناۋدى باستاعان. ولار ءۇشىن قارجى تۇرعىسىنان تارتىپكە كەلىپ, نەسيەنى قايتارۋعا جاۋاپكەرشىلىكپەن قاراۋ ماڭىزعا يە بولعان.
سونىمەن قاتار ءمىنسىز بانك تۇتىنۋشىسى بولاشاققا قاراجات جيناۋدى قولعا الادى ەكەن. 2016-2017 جىلدارى بانك حوۋم كرەديتتىڭ دەپوزيتىن پايدالانعان كليەنتتەر سانى 2014 جىلمەن سالىستىرعاندا 3 ەسە ءوسىپتى.
ءمىنسىز كليەنتتىڭ مىسالى رەتىندە حوۋم كرەديت بانكىنىڭ ۇسىنعان قىزمەتىن 10 جىلدان استام ۋاقىت بويى پايدالانىپ كەلە جاتقان استانالىق تۇتىنۋشىلار كەزدەسۋگە شاقىرىلدى.
«12 جىل ىشىندە بانكپەن ارادا تىعىز, وڭ نيەتتى بايلانىس ورنادى. ساپالى سەرۆيس پەن ىڭعايلى قارجى قىزمەتتەرى ءۇشىن مەن بانككە تەك العىس ايتا الامىن», - دەيدى وسىنداي كليەنتتەردىڭ ءبىرى جانات قاراباەۆ.
تاعى ءبىر بانك تۇتىنۋشىسى سابيرا شاپولاەۆانىڭ سوزىنە قاراعاندا, قارىزدى قايتارۋ جاۋاپكەرشىلىگىن ءتۇسىنۋ جانە اقشا بيۋدجەتىن باعالاي ءبىلۋ – تابىستى ادامنىڭ ەڭ باستى قاسيەتتەرىنىڭ ءبىرى.
«مەن بانك ونىمدەرىن ءاردايىم تولىق زەرتتەۋگە, ءوز بيۋدجەتىمدى الدىن-الا جوسپارلاۋعا, وسىدان كەيىن بارىپ نەسيە الۋ-الماۋ تۋرالى شەشىمدى قابىلداۋعا تىرىسامىن. بۇل رەتتە بانك حوۋم كرەديتتىڭ كومەگى كوپ-اق, سەبەبى بۇل بانك – نارىقتا زەينەت جاسىنداعى ادامدارعا قارىز بەرەتىن جالعىز ۇيىم», - دەيدى استانا تۇرعىنى.
ء«بىز ماقسات-قالاۋىما قول جەتكىزسەم, ءومىرىمدى جاقسارتسام دەيتىن جاندارعا كومەكتەسكىمىز كەلەدى. 20 جىل ىشىندە شاعىن عانا كوماندادان ءۇش قۇرلىقتا 300 مىڭنان استام ساۋدا نۇكتەسى بار ءىرى ۇيىمعا اينالا الدىق. بۇگىنگى كۇنى توپتا الەمنىڭ 11 ەلى بويىنشا 135 مىڭنان استام قىزمەتكەر جۇمىس ىستەيدى, ال كليەنتتەر سانى 75 ميلليونعا جەتتى. تۇراقتى جانە قارقىندى دامۋ, كليەنتتەرىمىزدىڭ ادالدىعى, تابىستى بيزنەس-مودەل حوۋم كرەديتكە الەمدىك اۋقىمداعى تۇتىنۋشىلىق نەسيەلەندىرۋدىڭ كوشباسشىلارىنىڭ بىرىنە اينالۋعا مۇمكىندىك بەردى»,- دەدى حوۋم كرەديت توبىنىڭ PR-قىزمەتىنىڭ باسشىسى ميلان تومانەك.
