بارشاعا بەلگىلى, بۇگىندە «ەۆروكريستالل» سەرىكتەستىگى شىنى ىدىستار شىعارۋ ىسىمەن تانىمال. ونداعى وندىرىلەتىن ونىمدەردى الكوگولدىك جانە گازدالعان سۋسىندار مەن شىرىندار, ءسۇت پەن ءدارى-دارمەكتەر شىعاراتىن زاۋىتتار قولدانۋعا مۇددەلى. مۇندا ءتۇرلى قالىپتا – 200 مل-دەن 3 ليترگە دەيىنگى ءتۇسسىز جانە جاسىل ءتۇستى بوتەلكەلەر مەن قۇتىلار ازىرلەنەدى. وسىناۋ ونىمدەرگە قازاقستاننىڭ بارلىق ايماعى مەن قىرعىزستاننان تاپسىرىستار كەلىپ تۇسۋدە.
ەسكە سالا كەتسەك, «وڭتۇستىك» يندۋستريالدى ايماعىنان اشىلعان شىنى ىدىستار شىعارۋشى زاۋىت تاريحى 2014 جىلدان باستاۋ الادى. سول كەزدە جىلىنا 70 ملن. بوتەلكە شىنى ىدىستارىن وندىرۋگە قاۋقارلى زاۋىتتىڭ ءى كەزەڭى جۇمىسىن باستاعان بولاتىن. 2016 جىلى ءوندىرىستىڭ ءىى كەزەڭى ىسكە قوسىلىپ, ءبىر جىلداعى جالپى قۋاتتىلىق 200 ملن. بوتەلكەگە شىقتى.
ايتا كەتۋ كەرەك, شىنى ىدىستار وندىرەتىن زاۋىتتا الەمنىڭ جەتەكشى وندىرۋشىلەرىنىڭ (حايە, گەرمانيا; سانجين-ەمحارت, كيتاي-شۆەيتساريا) زاماناۋي قۇرىلعىلارى ورناتىلعان. ولاردىڭ ەرەكشەلىگى سول, باقىلاۋشى ماشينەلەر وندىرىلگەن ونىمدەردى مۇقيات تەكسەرىپ, قيراعان اينەكتەر مەن اقاۋى بار ىدىستاردى انىقتاپ, وندىرىسكە كەرى قايتارادى. سونىمەن بىرگە, وندا شىنى ونىمدەردى قابىلداۋ مەن جويۋ پروتسەستەرى اۆتوماتتاندىرىلعان.
اينەكتەردى ءوندىرۋ جۇمىسىندا ەلىمىزدىڭ جەر قويناۋىنان الىناتىن كۆارتس قۇمدارى مەن دالا شپاتى, دولوميت, اكتاس, بور, ميكروكالتسيت سىندى شيكىزاتتار قولدانىلادى. قالعان شيكىزاتتاردى زاۋىت باسشىلى شەتەلدەن الدىرادى.
