تۋراسىن ايتساق اسىلزات اقىن وقىرماندارىنا ماحاببات تاقىرىبىنداعى ليريكالارىمەن تانىس. شارا بارىسىندا جۇرەك تۇكپىرىنەن سەزىم قىلىن شەرتىپ تۋعان جىرلار از وقىلعان جوق. اۆتور «مۇڭنىڭ قويۋ بوياۋىن مالىپ الىپ...», ء«سىزدى ويلاسام كەتەم نەگە ورەكپىپ», «شىر اينالعان باقىتتى ساتتەرىمدە» دەگەن ولەڭدەرىمەن قاتار, ء«سىز عانا...», «مەن ءسىزدى ك ۇلىپ قارسى العىم كەلگەن» سىندى جاڭا تۋىندىلارىن دا وقىدى.
كوپشىلىك پاتريوتتىق تاقىرىپتاعى شىعارمالاردان دا سۋسىندادى. قازاقتىڭ سوڭعى حانىنا ارنالعان «باس», «كەنەسارىنىڭ ارۋاعىنا مۇڭ شاعۋ», «كەنەسارى جانە مەن» اتتى تسيكل ولەڭدەرى مەن «اتا» ۇعىمى تۋرالى اق ولەڭ», «قاس ساق استاناسى تۋرالى ءافسانا» دەگەن دۇنيەلەرى ەرەكشە رۋح سىيلادى.
«Əر وقىرمانىم مەن تىڭدارمانىم وسى كەشتە وقىلعان ولەڭدەرىمنەن ءوزىن تاپسا, ماقساتىما جەتكەنىم. استانا تورىندە تۇڭعىش رەت وتكەن كەشىمە ەلوردا əكىمدىگى مەن مəدەنيەت باسقارماسىنىڭ قولداۋ كورسەتكەنىن ايتقىم كەلەدى. اينالامدا جۇرگەن قاراپايىم دوستارىمنىڭ كومەگى ولشەۋسىز. سوندىقتان بارلىعىنا شىن پەيىلىممەن العىسىمدى ايتامىن», دەدى باسقوسۋدا اسىلزات ارىستانبەك.
كەشتە اۆتوردىڭ ء«سىز عانا...» دەپ اتالاتىن جاڭا كىتابى كوپشىلىككە تانىستىرىلدى. «بۇل – ليريكالىق كەيىپكەردەن اسىپ, ءوز كەيىپكەرىن تاپقان اقىن قىزدىڭ باتىل قادامى دەپ ۇعىڭىز», دەگەن بولاتىن اۆتور تۋىندىسى جايىندا.
اسحات رايقۇل,
«ەگەمەن قازاقستان»
