مادەني قويىلىمدارمەن باستالعان شارادا – جاپوننىڭ ءداستۇرلi مۋزىكا شەبەرi حيدەكي توگي, ۇلتتىق ۇرمەلi جانە iشەكتi اسپاپتار ورىنداۋشىلارى ونەرلەرiن ورتاعا سالدى. سودان كەيiن «وsaka Parad» شەرۋi ءوتتi. ساحنا تورىندە جاپوندىق مۋزىكا شەبەرلەرى ۇلتتىق اسپاپتاردا ويناپ, جۇرتشىلىقتى تامساندىردى.
مەرەكەنىڭ رەسمي بولىگىندە ينۆەستيتسيالار جانە دامۋ ءمينيسترى جەڭىس قاسىمبەك جاپونيانىڭ ەنەرگەتيكالىق تيىمدىلىك جاعىنان وزىق ون ەلدىڭ قاتارىنا كىرەتىنىن ەرەكشە اتادى. «كۇنشىعىس ەلى قازاقستاننىڭ ءىرى ينۆەستورى بولىپ سانالادى. سوڭعى 12 جىلدىڭ ىشىندە بۇل مەملەكەت ەلىمىزدىڭ ەكونوميكاسىنا 5,5 ملرد اقش دوللارىن قۇيعان. قازىرگى كەزدە ماشينا جاساۋ, تاۋ-كەن, اگروونەركاسىپ, كولىك-لوگيستيكا جانە تاعى باسقا سالالاردا جالپى سوماسى 1 ملرد دوللاردان اساتىن 10 ءىرى جوبا قولعا الىندى. بۇل ارىپتەستىك ءالى دە كۇشەيە تۇسەدى دەپ سەنەمىن. قازاقستاننىڭ باي شيكىزات قورى مەن جاپونيانىڭ تەxنولوگيالارى – ەكىجاقتى تىعىز ىنتىماقتاستىقتىڭ نەگىزى», دەدى جەڭىس ماxمۇد ۇلى.
جاپونيانىڭ ءوندىرىس, ساۋدا جانە ەكونوميكا ءمينيسترى حيروسيگە سەكو پاۆيلوندارىن «بولاشاق ەنەرگياسى» تاقىرىبىنا ساي جاساقتاۋعا تىرىسقاندارىن ايتتى. «ول جەردە بالامالى ەنەرگيا جانە ەنەرگيا ۇنەمدەۋ سالاسىنداعى تەxنولوگيالارمەن, تاجىريبەمەن تانىسۋعا بولادى. نەگىزى, جاپونيا ەكسپو-2017 كورمەسىنە قاتىسۋعا بىردەن كەلىسكەن. سەبەبى, ونداي شارالار «جاسىل» ەكونوميكاعا كوشۋ تاجىريبەسىمەن الماسۋعا تاپتىرمايتىن الاڭ بولا الادى», دەدى جاپونيا وكىلى.
مەرەكەلىك شارالار ۇلتتىق پاۆيلوندا جالعاستى. ونداعى ينتەراكتيۆتى شوۋ-باعدارلاما تولىعىمەن قازاق تىلىندە ازىرلەنگەن. كەلۋشىلەرگە بارىنشا تۇسىنىكتى بولۋ ءۇشىن ەكسپوزيتسيالاردى ءۇش زالعا ءبولىپ قويعان. ءبىرىنشى زالدا كورەرمەن ارنايى ءموبيلدى قوسىمشانى جۇكتەپ, پاۆيلونمەن تانىسسا, ەكىنشى زال كينوتەاتر ۇلگىسىندە جاساقتالعان. ول جەردە جاپون جىگىتى بالامالى ەنەرگيانىڭ ماڭىزدىلىعىن قازاق تىلىندە تۇسىندىرەدى. ءۇشىنشى زالدا وسى سالاداعى تەxنولوگيالارمەن تانىسۋعا مۇمكىندىك بار. پاۆيلوندا قوناقتاردى قارسى الىپ جۇرگەن جاپون قىزدارى دا قازاق ءتىلىن ۇيرەنىپ العان. وسىندا ۇيىمداستىرىلعان مەرەكەلىك شارادا جاپوندىقتار وزدەرiنiڭ ۇلتتىق بيiمەن قاتار, قازاقتىڭ «قارا جورعاسىن» بيلەدى.
جاپونيانىڭ وساكا قالاسى 2025 جىلى ەكسپو كورمەسiن وتكىزۋگە ۇمiتكەر. پاۆيلوندا وسى قالانى تانىستىرۋعا ارنالعان الاڭ دا بار. وندا كۇنشىعىس ەلi مەن وساكا قالاسى تۋرالى اقپارات پەن سۋرەتتەر نازارعا ۇسىنىلعان. ستەندتiڭ جانىندا سۋرەتكە ءتۇسiپ, الەۋمەتتiك جەلiگە سالعاندارعا سىيلىقتار تاراتىلۋدا.
