«قازىر اۋا-رايىنىڭ قۇبىلىپ, شاۋىن-شاشىن بولۋىنا بايلانىستى قاراقات تەرۋشىلەر ازايدى. بىراق كۇن سايىن ەڭ از دەگەندە كەمى ون شاقتى ادام كەلىپ تەرىپ كەتەدى», - دەدى «استانا ورمانى» جشس-ءنىڭ باس اگرونومى ارداق حاسەنوۆ.
ونىڭ ايتۋىنشا, سوڭعى جىلدارى جاز كەزىندەگى جيدەك ناۋقانىندا كەلۋشىلەر قاتارى ارتىپ كەلەدى.
«سەنبى, جەكسەنبى كۇندەرى قاراقات تەرۋگە كەلەتىندەر كوبەيەدى. سونداي-اق ماۋسىم سوڭىنا دەيىن كۇن سايىن ءبىزدىڭ ورمانعا كەلىپ, قاراقات تەرىپ ونى ساتۋمەن اينالىساتىن ادامدار بار. دەمالىس كۇندەرى ادەتتە تەرىپ-ساتۋشىلاردىڭ سانى 50-60-قا جەتەدى. سونىمەن بىرگە, استانالىقتاردان بولەك, قالانىڭ ماڭىنداعى اۋىلداردان ارنايى كەلىپ تەرىپ كەتەتىندەر بەر», - دەيدى اگرونوم.
ورمانشىلاردىڭ ەسەپتەۋىنشە, ءبىر گەكتاردان ورتا ەسەپپەن 3 توننا قاراقات جينالادى. جولدىڭ جيەگىندەگى «جيدەك بازارىندا» قاراقاتتىڭ ءبىر شەلەگىنىڭ (10 ليتر) باعاسى 2 مىڭ تەڭگە. ال قالا ىشىندەگى باۋ-باقشا ونىمدەرىن ساتاتىن شاعىن بازارلاردا 2-5 مىڭ تەڭگە ارالىعىندا.
