قالا بيلىگى جولداردىڭ ساپاسىن, الەۋمەتتىك نىساندار مەن مەكتەپتەردىڭ, اۋرۋحانالار مەن اۋلالاردىڭ جاعدايىن تەكسەردى.
جالپى العاندا قالا باسشىسى اۋداننىڭ 15 نىسانىنا تەكسەرۋ جۇرگىزدى. اتاپ وتكەن ءجون, اعىمداعى جىلدىڭ اقپان ايىندا «سارىارقا» اۋدانى اكىمى جەرگىلىكتى تۇرعىندارمەن ەسەپتى كەزدەسۋىندە اۋدان تۇرعىندارىمەن وزەكتى ماسەلەلەر كوتەرىلگەن بولاتىن. وزەكتى سۇراقتاردىڭ ىشىندە بۇزىلعان جولدار مەن كوشەنىڭ جارىقتاندىرىلۋى, قورشاۋلاردىڭ بۇزىلۋى سىندى ينفراقۇرىلىمدى قايتا قالپىنا كەلتىرۋ ماسەلەلەرى بولدى.
بارلىق سۇراقتار اكىمنىڭ قاتاڭ باقىلاۋىنا الىنعان بولاتىن, بۇگىنگى تەكسەرىس بارىسىندا «سارىارقا» اۋدانىنىڭ اكىمى ارمان تۇرلىبەك قالا باسشىسىنا جوعارىدا كورسەتىلگەن بارلىق ماسەلەلەر ءوز شەشىمىن تاپقانىن جەتكىزدى.
ونىمەن بىرگە قالا باسشىسى سامال شاعىن اۋدانىندا جوندەۋدەن جانە قايتا قالپىنا كەلتىرۋ جۇمىستارىنان كەيىن پايدالانۋعا بەرىلگەن اۋلالاردى ارالادى.
اكىم ءارى قاراي كۇمىسبەكوۆ كوشەسىنە بارىپ, كەنەسارى كوشەسىنەن اباي داڭعىلىنا دەيىن كۇمىسبەكوۆ كوشەسىنىڭ جولىندا جۇرگىزىلىپ جاتقان قۇرىلىس بارىسىمەن تانىستى.
ءارى قاراي قالا باسشىسى كەنەسارى كوشەسىنەن باستاپ بوگەنباي باتىر داڭعىلىنا دەيىن سوزۋعا جوسپارلانعان كۇمىسبەكوۆ كوشەسى بويىنشا جولدىڭ قۇرىلىسى تۋرالى ارمان تۇرلىبەكتىڭ ەسەبىن تىڭدادى. كوشەسى جارىقتاندىرىلىپ, وتپەجولدار سالىنىپ, تولىعىمەن اباتتاندىرىلاتىن جولدىڭ قۇرىلىسى اعىمداعى جىلدىڭ كۇزىندە بىتەدى دەپ جوسپارلانۋدا.
قالا باسشىسى كوكتال-1 تۇرعىن الابىندا جۇرگىزىلىپ جاتقان جول جوندەۋ جۇمىستارىنىڭ بارىسىمەن تانىسىپ, بازارلىق, تاڭجارىق جانە اقتولقىن كوشەلەرىن ارالادى.
تەكسەرۋ بارىسىندا الماتى كوشەسى, جانگەلدين كوشەسىنەن بەيسەكوۆا كوشەسىنە دەيىن جول قۇرىلىسى بويىنشا جۇمىستاردى كورىپ, بوگەنباي باتىر داڭعىلىنان ماسكەۋ كوشەسىنە دەيىن سارىارقا داڭعىلىن كەڭەيتۋ ماسەلەسىن قاراستىردى.
سونداي-اق قالا بيلىگى كۋبرين 20/1 كوشەسىنىڭ اۋدانىنداعى قۇرىلىسى بىتۋگە جاقىن قالعان جول جوندەۋ بويىنشا جۇمىس بارىسىمەن تانىسىپ, اۋلانى اباتتاندىرۋ ماسەلەلەرىن تالقىلادى.
187 كوشەسى بويىنشا 2 كاسىبي-تەxنيكالىق مەكتەپتىڭ قۇرىلىس بارىسىن تەكسەرىپ, قوسشىعۇل ۇلى 16,18 كوشەسى بويىنشا تۇرعىن ۇيلەردىڭ اۋلاسىن اباتتاندىرۋ, №65 جانە №67 مەكتەپتەرىنە كىرەبەرىستىڭ ۇيىمداستىرىلۋ بارىسى جونىندە ماسەلەنى قاراستىردى.
تەكسەرۋ بارىسىندا قالا بيلىگى «قامقور» بازارىن ءسۇرىپ تاستاۋعا ارنالعان جۇمىستىڭ بارىسىمەن تانىستى, بوگەنباي باتىر داڭعىلى جانە جەڭىس داڭعىلىنىڭ قيىلىسىنداعى ۇيلەردى ءسۇرىپ تاستاۋ ماسەلەلەرىن قاراستىردى.
