23.07.2017, 11:40 جاڭالىقتار / كولىك جانە اۆتوجول
ەلوردالىق اۆتوۆوكزال ەندى جولاۋشىلارعا ءۇش تىلدە قىزمەت كورسەتەدى
حالىقارالىق «ەكسپو-2017» كورمەسىن وتكىزۋ اياسىندا قالالىق اۆتوۆوكزالدا انىقتامالىق - اقپاراتتىق رەسەپشن اشىلدى, دەپ حابارلادى استانا اكىمدىگىنىڭ مەديا-ورتالىق تىلشىسىنە «ساپارجاي-استانا» جشس ديرەكتورىنىڭ ورىنباسارى جارقىن بەكجانوۆ.
جاز باستالعالى جولاۋشىلار اقپاراتتى ءۇش تىلدە - قازاق, ورىس جانە اعىلشىن تىلدەرىندە الا الادى.
وزگەرىس تەك جولاۋشىلار قىزمەتىندە عانا ورىن العان جوق.
بيىل اۆتوۆوكزال قايتا جوندەۋدەن وتكىزىلۋدە. كۇتۋ زالىندا ەدەن جابىندىسى اۋىستىرىلىپ, سىرتقى كەلبەتى جارتىلاي وزگەرتىلدى. جۇمىس تولىعىمەن ەكىنشى جارتى جىلدىقتا اياقتالادى. قازىرگى تاڭدا كارىز جۇيەسىن جوندەۋ جۇمىستارى اياقتالۋدا.
بارلىق قۇرىلىس جۇمىستارى جولاۋشىلار كەشەنىنىڭ جۇمىسىنا ەش كەدەرگى كەلتىرگەن جوق.
- قازىر جولاۋشىلاردىڭ جايلىلىعى ءۇشىن اۆتوۆوكزال اۋماعىندا انا مەن بالا بولمەسى, اسحانا, كافەتەري, دۇڭگىرشەكتەر مۇمكىندىگى شەكتەۋلى جاندارعا ارنالعان دارەتحانا بار, - دەپ حابارلادى ج. بەكجانوۆ.
