بۇگىن استانادا قازاقستان رەسپۋبليكاسىنىڭ ادام قۇقىقتارى جونىندەگى ۋاكىلى اسقار شاكىروۆ جانە رەسپۋبليكا ميتروپوليتى الەكساندرمەن كەزدەسۋ وتكىزىپ, ادامنىڭ ءدىني سەنىم بوستاندىعىنا بەرىلەتىن قۇقىقتار, ءدىني ۇيىمدار قىزمەتى, اتالعان سالاداعى ىنتىماقتاستىق اياسىنداعى وزەكتى ماسەلەلەرى تالقىلادى.
ومبۋدسمەن قازاقستانداعى ءدىني سالاداعى زاڭنامالىق جانە قۇقىق قولدانۋ تاجىريبەسى, سونداي-اق ازاماتتاردىڭ ار-نامىس بوستاندىعىنا بەرىلگەن قۇقىقتاردى قورعاۋ تەتىكتەرى تۋرالى ميتروپوليتكە ايتىپ بەرلى.
تاراپتار مەملەكەت باسشىسىنىڭ "بولاشاققا باعدار: رۋحاني جاڭعىرۋ" اتتى اۋقىمدى باعدارلاماسىن ىسكە اسىرۋ كونتەكسىندە تۇراقتىلىق, بىرلىك پەن كەلىسىم قاعيداتتارى بويىنشا قازاقستاندىق قوعامدى رۋحاني جاڭعىرتۋدىڭ ءتۇيىندى نەگىزدەرىن ىسكە اسىرۋدىڭ ماڭىزدىلىعىن اتاپ ءوتتى.
كەزدەسۋ قورىتىندىسى بويىنشا ادامنىڭ ءدىني سەنىم بوستاندىعىنا بەرىلەتىن قۇقىقتارىن جانە كونفەسسياارالىق كەلىسىمدى نىعايتۋ ماقساتىندا سىندارلى ءوزارا ءىس-قيمىلدى جۇزەگە اسىرۋ قاجەتتىگى تۋرالى ورتاق پىكىر ايتىلدى.
