سەنات توراعاسى مەملەكەت باسشىسىنىڭ 2016 جىلعى جاپونياعا ساپارى بارىسىندا قابىلدانعان, «كەڭەيتىلگەن ستراتەگيالىق ارىپتەستىك» مارتەبەسىن بەكىتكەن ساياسي قۇجاتتار, جاڭا گەوساياسي احۋالدا ەكىجاقتى قارىم-قاتىناستارعا تىڭ سەرپىن بەرەتىندىگىنە سەنىم ءبىلدىردى. پارلامەنتارالىق ديالوگتى نىعايتۋ كەلەشەگىن تالقىلاي كەلىپ, ق.توقاەۆ قازاقستانمەن دوستىق جونىندەگى جاپون ليگاسىنىڭ ەكى ەل اراسىنداعى ىنتىماقتاستىقتى تەرەڭدەتۋگە اۋقىمدى ۇلەس قوسىپ وتىرعان قىزمەتىن جوعارى باعالادى.
«ەكسپو-2017» اياسىندا استاناعا كەلگەن جەتەكشى ەلدەردىڭ جاڭارتىلعان ەنەرگەتيكا سالاسىنداعى جوبالارى مەن الدىڭعى قاتارلى تەحنولوگيالارى كورسەتىلگەن حالىقارالىق كورمەنىڭ جوعارى ۇيىمداستىرۋشىلىق جانە مازمۇندىق دەڭگەيىن اتاپ ءوتتى. «ەكسپو وتكىزۋ – تاريحي وقيعا بولىپ تابىلادى, ونىڭ قازاقستاننىڭ دامۋىنا ۇلكەن پايداسى تيەتىنىنە سەنىمدىمىن», - دەدى جاپوندىق دەپۋتات. ت. كاۆامۋرا ق.توقاەۆقا 2025 جىلى ەكسپو حالىقارالىق كورمەسىن وتكىزۋگە جاپونيا ءوز كانديداتۋراسىن ۇسىنعانىن ايتتى جانە بۇل ماسەلەدە قازاقستاننان قولداۋ سۇرادى. تاراپتار سونداي-اق قارۋسىزدانۋ جانە يادرولىق قارۋدى تاراتپاۋ سالاسىنداعى ىنتىماقتاستىق ماسەلەسىن جان-جاقتى تالقىلادى. سەنات توراعاسى قازاقستان ءۇشىن بۇل اسا ماڭىزدى ماسەلە, نۇرسۇلتان نازارباەۆتى جاھاندىق انتيادرولىق قوزعالىستىڭ كوشباسشىسى دەپ اتايتىنى سوندىقتان ,- دەپ اتاپ ءوتتى. ق.توقاەۆ اعىمداعى جىلى تامىز ايىندا استانادا عالىمداردىڭ پاگۋوش كونفەرەنتسياسى وتەتىنى, ءبىزدىڭ ەلوردامىز 2015 جىلى وسىنداي فورۋمدى وتكىزگەن ناگاساكي قالاسىنان ەستافەتانى الىپ جالعاستىراتىنى تۋرالى جاپوندىق دەپۋتاتتى حاباردار ەتتى.
