ولجاس ساتتىباەۆ پەن يوسباني ۆەيتيا اراسىنداعى جەكپە-جەكتىڭ ءبىرىنشى راۋندى كۋبالىق بوكسشىنىڭ باسىمدىلىعىمەن ءوتتى. كەزدەسۋدىڭ قالعان بولىگىندە دە ولجاس قارسىلاسى ۆەيتيانى بىلگەنىنەن جاڭىلدىرۋعا تىرىسقان. ايتسە دە, كۋبالىق بوكسشى ساتتىباەۆتىڭ ويلاعانىن جۇزەگە اسىرۋعا مۇمكىندىك قالدىرمادى.
قوس بوكسشى 2015 جىلعى فينالدا جولىعىپ, ولجاس ساتتىباەۆ جەڭىسكە جەتكەن بولاتىن. فينالدىق جەكپە-جەك الدىندا ولجاستىڭ ءوزى ەكى جىل بۇرىنعى جەڭىسىن قايتالايتىنىن ايتقان ەدى. وكىنىشكە قاراي, ساتتىباەۆ سوزىندە تۇرا العان جوق.
دۇنيەجۇزىلىك بوكس سەرياسىنىڭ (WSB) جەتىنشى ماۋسىمداعى فينالدىق جەكپە-جەگى ءدال قازىر استاناداعى «قازاقستان» سپورت كەشەنىندە ءوتىپ جاتىر. ازىرگە 5:2 ەسەبىمەن كۋبالىقتار الدا كەلەدى.
