جەكپە-جەك العاشقى راۋندىندا ەكى بوكسشى دا بارىن سالماي, ءساتى تۇسكەندە جۇدىرىق جۇمساپ جۇرگەن. ەكىنشى كەزەڭ باستالا سالا لا كرۋز العا اتوي سالىپ, لاپ قويدى. الايدا ءساتى كەلگەندە ارمان دا قارسىلاسىن قۇلاق شەكەدەن سىلەيتىپ ۇرىپ وتىردى. «ارلاننىڭ» الەۋەتىن بايقاعان لا كرۋز كوپ ۇزاماي-اق اياق تارتىپ, شارشى الاڭنىڭ بۇرىش-بۇرىشىنا قاشىپ ءجۇرىپ بوكستاساۋعا كوشتى. جەكپەك-جەكتىڭ قالعان بولىگىندە كۋبالىق "قابىلان" ارماننىڭ ادىمىن اشتىرعان جوق.
ارماننىڭ جەڭىلىسى ساتسىزدىك ەمەس. كەزدەسۋگە دەيىن-اق بوكس ماماندارى دا, جانكۇيەرلەر دە لا كرۋزدى فاۆوريت رەتىندە ساناعان. ەندى شە, ول ءوزى بارعان جارىستىڭ بارىندە قارسىلاستارىن جەڭىپ, التىن مەدالى الىپ قايتادى. ريو وليمپياداسىندا, دوحادا وتكەن الەم چەمپيوناتىندا قارسىلاس شاق كەلتىرمەگەنى تاعى بار. WSB جوباسىندا دا لا كرۋز جەڭىلىستىڭ اششى ءدامىن ءجيى سەزە بەرمەيدى.
دۇنيەجۇزىلىك بوكس سەرياسىنىڭ (WSB) جەتىنشى ماۋسىمداعى فينالدىق جەكپە-جەگى ءدال قازىر استاناداعى «قازاقستان» سپورت كەشەنىندە ءوتىپ جاتىر. ازىرگە كۋبالىقتار 4:2 ەسەبىمەن الدا كەلەدى.
