اۋىل شارۋاشىلىعى ونىمدەرىن قايتا وڭدەۋ ماسەلەلەرى جونىندەگى كەڭەس بارىسىندا اگرو قايتا وڭدەۋدى يندۋستريالاندىرۋ, سونىمەن قاتار, وبلىستار مەن اۋداندار تۇرعىسىنان 2017-2021 جىلدارعا ارنالعان اۋىل شارۋاشىلىعى ونىمدەرىن قايتا وڭدەۋ كارتاسىنىڭ جوباسى قارالدى.
* * *
«تسيفرلى قازاقستان» مەملەكەتتىك باعدارلاماسىنىڭ جوباسى اياسىندا ەكونوميكانىڭ نەگىزگى سالالارىن تسيفرلاندىرۋ ماسەلەلەرى جونىندەگى كەڭەس بارىسىندا اوك ەلەكتروندى ساۋداسىن دامىتۋ, كەدەندىك اكىمشىلىكتەندىرۋدى جەتىلدىرۋ جانە ەلەكتروندى ماعلۇمداۋعا اۋىسۋ, شوب نەگىزگى قىزمەتىن تسيفرلاندىرۋعا ىنتالاندىرۋ, سونىمەن قاتار ەنەرگەتيكا سالاسىندا جوبالاردى قۇرىپ, ەنگىزۋ ماسەلەلەرى تالقىلاندى.
پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى ا.مىرزاحمەتوۆ, ەنەرگەتيكا ءمينيسترى ق.بوزىمباەۆ, قارجى ءمينيسترى ب.سۇلتانوۆ, ۇلتتىق ەكونوميكا ءمينيسترى ت.سۇلەيمەنوۆ مەملەكەتتىك ورگانداردىڭ جۇمىستىڭ تسيفرلى فورماتقا اۋىسۋىنا بايلانىستى تاسىلدەرى تۋرالى باياندادى.
كەڭەس قورىتىندىسى بويىنشا پرەمەر-مينيستر باقىتجان ساعىنتاەۆ بىرقاتار ناقتى تاپسىرمالار بەردى.
* * *
كەشە سونداي-اق, ەكونوميكانى جاڭعىرتۋ جونىندەگى مەملەكەتتىك كوميسسيانىڭ وتىرىسى ءوتتى.
وتىرىس بارىسىندا قازاقستاندى ءۇشىنشى جاڭعىرتۋدىڭ جوبالىق باسقارۋ ماسەلەلەرى تالقىلاندى. قازاقستان ەكونوميكاسىنىڭ سالالارىن تسيفرلاندىرۋ مەن تەحنولوگيالىق جاڭارتۋ, ءونىمدى جۇمىسپەن قامتاماسىز ەتۋ, سونىمەن قاتار, جاپپاي كاسىپكەرلىكتى دامىتۋ سالالارىنداعى جوبالاردى ىسكە اسىرۋ جونىندەگى باستامالاردىڭ جوسپارلارى قارالدى.
وتىرىس اياسىندا ۇلتتىق ەكونوميكا ءمينيسترى ت. سۇلەيمەنوۆ, ەڭبەك جانە حالىقتى الەۋمەتتىك قورعاۋ ءمينيسترى ت.دۇيسەنوۆا, اقپارات جانە كوممۋنيكاتسيالار ءمينيسترى د. اباەۆ, ينۆەستيتسيالار جانە دامۋ ءمينيسترى ج. قاسىمبەك سونداي-اق, ءبىلىم جانە عىلىم ۆيتسە-ءمينيسترى ب.اسىلوۆا باياندامالارىمەن تانىستىردى.
