چەمپيونات شىمىلدىعى 21 تامىزدا گاگارين كۋبوگىنىڭ يەگەرى سكا مەن بىرىنشىلىك جەڭىمپازى تسسكا اراسىنداعى كەزدەسۋمەن اشىلادى. جاڭا كەستەگە سايكەس, بىرىنشىلىكتىڭ العاشقى بولىگى 2018 جىلدىڭ 1 ناۋرىزىندا اياقتالادى. ال ەكىنشى كەزەڭ 3 ناۋرىزدان باستالادى دەپ جوسپارلانىپ وتىر. قحل-عا قاتىساتىن ءار كوماندا ءوزارا 56 ماتچ وتكىزەدى. بيىلعى كەستەنىڭ ەرەكشەلىگى, حوككەيسىز وتەتىن كۇندەردىڭ سانى بارىنشا ازايتىلعان.
«بيىلعى ماۋسىم تارتىسقا تولى بولايىن دەپ تۇر. سونداي-اق, بيىل بىرنەشە حالىقارالىق ۇلكەن تۋرنيرلەر بولادى. سوعان بايلانىستى وتە ءتيىمدى كەستە قۇراستىرىلدى. قحل-دىڭ ونىنشى ماۋسىمى قىزىقتى وتەتىنىنە سەنىمدىمىن», ‒ دەيدى قحل-دىڭ ۆيتسە-پرەزيدەنتى گەورگي كوبىليانسكي.
«بارىس» جاڭا ماۋسىمنىڭ العاشقى ويىندارىن ءوز ايدىنىندا وتكىزەدى. اۋەلى ەلوردالىقتار 24 تامىزدا «سپارتاك» كلۋبىمەن كۇش سىناسسا, ەكىنشى ويىندا 26 تامىزدا ريگالىق «دينامومەن» شەبەرلىك بايقاسادى. 28 تامىزدا استاناعا قوناققا «سەۆەرستال» كەلەدى. «بارىس» ۇيدەگى سوڭعى ويىنىندا 30 تامىز كۇنى «تورپەدوعا» قارسى ايدىنعا شىعادى.
اباي اسانكەلدى ۇلى
«ەگەمەن قازاقستان»
