«الماتى» ۆولەيبول كلۋبىنىڭ جەتەكشىسى جاندوس جيەنباەۆ اتالمىش كلۋب 2008 جىلى قۇرىلىپ, باستاپقىدا «ايەلدەر ۆولەيبول كلۋبى» مقك» دەپ اتالعانىن, 2013 جىلى «الماتى» ۆولەيبول كلۋبى» بولىپ وزگەرگەنىن ايتا كەلە: «ۇلتتىق جانە جوعارعى ليگا ويىنشىلارىنىڭ بىرىگۋى, ۆولەيبولدىڭ قارقىندى دامۋىنا ءوز سەپتىگىن تيگىزدى. وسىنداي شەشىمنەن سوڭ, قارجىلاندىرۋ تولىق وتەلىپ, كلۋب جاقسى ناتيجەلەرگە قول جەتكىزدى. ەكى ۇجىم بىرىككەلى بەرى, ءبىز ەلىمىزدىڭ ۇزدىك ۆولەيبولشىلارىن قىزىقتىرا باستادىق. بۇلار قازاقستان قۇراماسىنىڭ نەگىزىن قالاپ وتىر. ەرلەر كومانداسى دا وسىنداي وزگەرىستەرگە ۇشىرادى. ناتيجەسىندە, ۆولەيبولدان ايەلدەر ۇجىمى قازاقستان كۋبوگىندا كۇمىسپەن كۇپتەلسە, ەرلەر كومانداسى ەكى جىل قاتارىنان قازاقستان چەمپيونى اتاندى. بۇل جەتىستىكتەرگە الماتى قالاسى دەنەشىنىقتىرۋ جانە سپورت باسقارماسىنىڭ قولداۋى ارقاسىندا جەتتىك. ەرلەر ۆولەيبول كومانداسىنا كەلسەك, ولار وسى كۇندە ەلىمىزدىڭ جەتى دۇركىن چەمپيونى. مەنىڭشە, بۇل جەردە كسرو-نىڭ ەڭبەك سىڭىرگەن جاتتىقتىرۋشىسى گەننادي پارشين مەن گيليازۋتدينوۆتىڭ جانە تكاچەنكولاردىڭ ەڭبەگىن اتاپ وتكەن ءجون. سول سياقتى, ەرلەر كومانداسى ويىنشىلارىنىڭ 70 پايىزى مەن ايەلدەر ۇجىمىنىڭ 50 پايىزى ۇلتتىق قۇراما كومانداسىنىڭ مۇشەلەرى بولعان. بۇگىنگى تاڭدا ەرلەر كومانداسىنىڭ دەمەۋشىلەرى باسقا. ال ءبىز «الماتى» ايەلدەر كلۋبى» اتاۋىمەن ەكى ايەلدەر كوماندالارىن دامىتۋ ءۇشىن ايانباي ەڭبەك ەتۋدەمىز», دەدى.
ەندىگى جەردە كلۋبتىڭ باستى كوزدەگەن ماقساتى – ەل ۆولەيبولىن لەگيونەرلەرسىز دامىتۋ بولىپ وتىر.
– ارينە, لەگيونەرلەر دەگەن جاقسى, ءبىز قارسى ەمەسپىز. ويتكەنى, ولار الەم دەڭگەيىندەگى ۇزدىك سپورتشىلار. شەتەلدىك سپورتشىلاردىڭ بىزگە اۋىسۋى جالپى ۇجىمعا جاقسى اسەر ەتەدى. ءبىزدىڭ قىزدار ولارمەن بىرگە جاتتىعىپ, ويىن شەبەرلىكتەرىن ارتتىرادى. الايدا, ءبىز ءوز كۇشىمىزگە سەنەمىز, – دەيدى جاندوس جيەنباەۆ.
قازىرگى تاڭدا كلۋبتاردىڭ كوبىسى شەتەلدىك ويىنشىلاردى, سونىمەن قاتار, ەلىمىزدىڭ ۇزدىك ۆولەيبولشىلارىن ءوز قاراماعىنا الىپ وتىرعانى ايان. ماسەلەن, «التاي» مەن «جەتىسۋ» كلۋبتارىنىڭ قۇرامىندا مىقتى اۋە دوپ ارۋلارى وينايدى. ونىڭ ىشىندە «الماتى» كلۋبىنىڭ تاربيەلەنۋشىلەرى بار. بۇلار – سانا انارقۇلوۆا جانە يننا ماتۆەەۆا.
«الماتى» ۆولەيبول كلۋبى ويىنشىلارىنىڭ قازىرگى ورتاشا جاس شاماسى 20-24 جاس ارالىعىندا. كلۋبتىڭ ءۇش ۆولەيبولشىسى قازاقستان قۇراماسىنىڭ ساپىندا ونەر كورسەتەدى. ولار –ليۋدميلا يساەۆا, يانا پەترەنكو جانە تاتيانا فەندريكوۆا
سونىمەن كىل دارىندارىمەن دارالانعان كلۋب كەلەسى ماۋسىمعا دايىندىققا كىرىستى. الداعى ماۋسىم كۇزدە باستالىپ, كوكتەمدە اياقتالادى.
ايناش ەسالي,
«ەگەمەن قازاقستان»
الماتى
