جاس مۇعالىمدەردىڭ جاڭا لەگىنە ۋنيۆەرسيتەت رەكتورى مىندەتىن اتقارۋشى باحودير اليەۆ ديپلومداردى تابىستاپ تۇرىپ: « ۇلى وتان سوعىسىنىڭ قيىن-قىستاۋ كەزىندە – 1944 جىلى اشىلعان بۇل بىرەگەي ءبىلىم ۇياسىنىڭ ەلىمىزدە پەداگوگ كادرلار دايارلاۋداعى الاتىن ورنى ولشەۋسىز ۇلكەن», دەپ ەلباسى اتاپ وتكەندەي, قىزدار ۋنيۆەرسيتەتىنىڭ ورنى قاشاندا ەرەك. بيىل قىزدار ۋنيۆەرسيتەتى – ۇزدىك پەداگوگيكالىق جوعارى وقۋ ورنى اتانعانىن اتاپ وتكىم كەلەدى.
ءبىزدىڭ ۋنيۆەرسيتەتتىڭ قۇرمەتتى تۇلەكتەرى – قازكسر-ىنە ەڭبەك سىڭىرگەن مۇعالىمى رافيقا نۇرتازينا, قازكسر وقۋ-اعارتۋ ءىسىنىڭ ۇزدىگى رىسكۇل ماقاتوۆا, بەلگىلى قوعام قايراتكەرلەرى زاۋرە قادىروۆا, قوعام قايراتكەرى اسىلى وسمان, قوعام قايراتكەرى ورازكۇل اسانعازى, ءبىلىم جانە عىلىم ءمينيسترى بولعان ەلىمىزگە بەلگىلى تۇلعا ءشامشا بەركىمباەۆا سياقتى ەل ماقتانىشى بولىڭدار! «ۇستاز بولۋ ۇلىق ەمەس, ۇلى قىزمەت», بىلىكتى مامان, جوعارعى دارەجەدەگى مۇعالىم بولىڭىزدار. ءبىلىمدى, زەيىندى شاكىرتتەرىڭىز كوپ بولسىن! مەرەيلەرىڭىز ۇستەم بولسىن, اق جول!», – دەدى.
بيىلعى وقۋ جىلى قىزدار ۋنيۆەرسيتەتىن 41 ماماندىق بويىنشا باكالاۆرلىق ءبىلىم العان 1056 تۇلەك اياقتادى. ونىڭ 264-ءى ۇزدىك ديپلوممەن ءبىتىرىپ وتىر.
ايناش ەسالي,
«ەگەمەن قازاقستان»
الماتى
