كوتەرمە-بولشەك ساۋدا ورتالىقتارىنىڭ جۇيەسى اتالعان ايماقتاعى ەلدەردە ازىق-ت ۇلىك, كوكونىس, حالىقتىق تاۋارلار ساتۋمەن اينالىساتىن ساۋدا كاسىپورىندارىنىڭ بازاسىنا نەگىزدەلگەن. ەندى ورتالىق بازاسىندا بەلگىلى تاۋارلار ساقتالاتىن بولادى. ونى كوتەرمە جانە بولشەك ساۋدامەن اينالىساتىندار الدىن الا تاپسىرىس بويىنشا دا الا الادى.
«بۇرىن ساۋداگەرلەر تاۋارعا ءوزى باراتىن بولسا, ەندى ونى ورتالىققا جەتكىزەتىن بولامىز. ساتۋشىعا ەندى قىرعىزستانعا بارىپ, الىپ-ساتارلاردى جالداۋدىڭ قاجەتى جوق. ەندى وسى جۇيە بويىنشا تاۋار اراداعى دەلدالسىز تىكەلەي ورتالىقتارعا تۇسەدى. سونىڭ ارقاسىندا باعا تومەندەيدى. تاۋار كونسيگناتسيا شارتى بويىنشا ساتىلادى, ياعني, كونسيگنانت (تاۋار يەسى) تاۋارىن قويماعا وتكىزۋ ارقىلى ساتۋشىعا بەرە الادى. وسى جاعدايدا, تاۋار تولىعىمەن ساتىلعانعا دەيىن يەسىنىڭ مۇلكى بولىپ ەسەپتەلەدى. بۇل تاۋار اينالىمىنا دەم بەرەدى», دەدى قازاقستان ساۋدا كاسىپورىندارى قاۋىمداستىعىنىڭ پرەزيدەنتى نۇرسادىق ابىشەۆ.
كوتەرمە-بولشەك ساۋدا ورتالىقتارى جوباسىنا قازاقستاندىق تاراپتان الماتىداعى «ميزام» ساۋدا ورتالىعى, استاناداعى «بيگ شانحاي», اتىراۋداعى «دينا» كەشەنى قاتىسسا, قىرعىز ەلى تاراپىنان ورتالىق ازياداعى ءىرى ساۋدا ورنى «دوردوي» بازارى ەنبەك. بولاشاقتا جوباعا وزبەكستان مەن رەسەيدىڭ دە قاتىسۋى ىقتيمال.
قازىرگى ۋاقىتتا قازاقستان ساۋدا كاسىپورىندارى قاۋىمداستىعى, قىرعىزستان بازارلار مەن ساۋدا كاسىپورىندارى قىزمەتىنىڭ قاۋىمداستىعى جانە «سويۋزپلودوۆوشش» حالىقارالىق قاۋىمداستىعى اتالعان جوباعا 30 ملن تەڭگە ينۆەستيتسيا سالدى. 8 تامىزدان باستاپ, ونلاين-الاڭداردىڭ تولىق نۇسقاسى ىسكە قوسىلادى.
