ەكىنشى شارا رەتىندە يۋنۋس ەمرە اتىنداعى تۇرىك مادەنيەت ورتالىعى «قازاقستان – تۇركيا دوستىق اۋەندەرى-2» اتتى كونتسەرتتى استانالىقتار مەن ەكسپو-2017 قوناقتارىنا تارتۋ ەتپەك. ءدال وسى تاقىرىپپەن 2016 جىلعى 26 قازاندا قازاقستان تاۋەلسىزدىگىنىڭ 25 جىلدىعىنا ارنالعان كونتسەرتتى قالا حالقى ۇلكەن قوشەمەتپەن تاماشالاعان بولاتىن. كونتسەرتتە ديماش قۇدايبەرگەنوۆ, كامشات جولدىباەۆا, گۇلنۇر ورازىمبەتوۆا, اقەركە تاجىباەۆا, حانزادا توبى ونەر كورسەتكەن بولاتىن.
اتالعان شارانىڭ جالعاسى رەتىندە تۇركيانىڭ مادەنيەت جانە تۋريزم مينيسترلىگىنە قاراستى «تۇركى الەمى مۋزىكالىق ءانسامبلى» جانە استانا قالاسى اكىمدىگىنىڭ «مەملەكەتتىك اكادەميالىق فيلارمونيا» وركەسترىنىڭ سۇيەمەلدەۋىمەن وتەتىن كونتسەرتتە اندەر شىرقالىپ, كۇيلەر تارتىلادى. قوس وركەستردىڭ تىزگىنى اۆستريادا ءبىلىم العان ديريجەر, «التىن تاياقشا» ديريجەرلار بايقاۋىندا گران-پري جۇلدەسىن ولجالاعان ەرنار نۇرتازيندە بولادى. كۇمىس كومەي انشىلەر چيدەم گۇردال مەن دجەم گۇردال قازاقتىڭ تانىمال «دۋداراي», «قارلىعاش» سياقتى اندەرىن قوس وركەستردىڭ سۇيەمەلدەۋىمەن شىرقايدى.
كونتسەرتتە قازاق جانە تۇرىك تىلدەرىندە ءان ورىندايتىن تانىمال سوليستەر چيدەم گۇردال مەن دجەم گۇردال شارا تۋرالى ءوز ويلارىن بولىسكەن ەدى.
ء«بىز ەكسپو-عا ارناپ ەكى كونتسەرتتىك باعدارلاما دايىندادىق. العاشقىسى 20 شىلدەدە استانا كونتسەرت زالىندا ساعات 19.00-دا, ەكىنشىسى 21 شىلدە كۇنى ەكسپو الاڭىنداعى تۇركيا ۇلتتىق پاۆيلونىندا ساعات 17.00-دە وتەدى. ەكى تىلدە شىعارمالار ورىندايمىز. استاناعا كەلىپ ەكسپو-نى ارالاپ, تاماشالاۋ ءۇشىن تاعاتسىزدانىپ وتىرمىز», دەدى.
20 شىلدەدە بولاتىن كونتسەرتتە كورەرمەندەرگە ارنايى لوتورەيا تاراتىلىپ, تۇرىك اۋە جولدارى «Turkish Air» تاراپىنان بەرىلەتىن ىستانبۇلعا بارىپ قايتۋ بيلەتتەرى ويناتىلادى. تۇركياعا تەگىن جولدامانى ءاربىر كورەرمەن ۇتىپ الۋ مۇمكىندىگىنە يە.
باۋىرلاس تۇرىك ەلىنىڭ تەك قانا ونەر ادامدارى عانا ەمەس, ەكسپو-2017 كورمەسىنە وراي وتكىزىلەتىن وسى شاراعا تۇركيانىڭ ۇلتتىق ارناسى ترت مەن قازاقستاندا جۇمىس ىستەپ جاتقان «كازسترويپودرياد» سياقتى كومپانيالارى دا دەمەۋشى رەتىندە وزىندىك ۇلەستەرىن قوسۋدا.
استانالىقتار مەن قالا قوناقتارى اقىسىز تاماشالاي الاتىن كونتسەرت 20 شىلدە كۇنى ساعات 19.00-دا استانا كونتسەرت زالىندا (بەيبىتشىلىك كوشەسى 1/1) وتەدى.
