ول جايلى بەلگىلى جۋرناليست قاينار ولجايدىڭ ء«پىل ءتىل قاتتى» دەگەن ماقالاسى دا بار. كەيىن ءپىلدىڭ ەرەكشە قاسيەتى الەم عالىمدارىنىڭ نازارىنا ىلىگىپ, حايۋاناتتار تۋرالى ءارتۇرلى عىلىمي ىزدەنىستەردىڭ دامۋىنا جول اشقان. جەر بەتىندە سويلەپ, دىبىس شىعارا الاتىن سۇتقورەكتىلەر ىلۋدە بىرەۋ عانا, ءتىپتى, وتە سيرەك كەزدەسەدى. سوندىقتان, 1979 جىلدارى باتىر تۋرالى دەرەكتەر كەڭىنەن تارالىپ, شەتەلدىك «Nature», «Scientific American» سىندى جۋرنالداردىڭ باستى جاڭالىعىنا اينالعان.
بۇگىنگى تاڭدا باتىر جايلى بارلىعى بىلگەنىمەن, وسى كۇنگە دەيىن تاڭعاجايىپ تابيعات قۇبىلىسى ەكراندالماعان ەكەن. جۋىردا ەسكى تاريحتى ەل نازارىنا ۇسىنباق نيەتتە بەلگىلى اكتەر فارحات ءابدىرايىموۆ «باتىر» اتتى جاڭا ءفيلمنىڭ ءتۇسىرىلىمى باستالعاندىعىن حابارلادى.
جاڭا فيلمگە ءۇش ەلدىڭ, ياعني قازاقستان, كانادا, مەكسيكانىڭ كينو شەبەرلەرى ءوز قولتاڭبالارىن قالدىرماق. حايۋاناتتار باعى قىزمەتكەرلەرىنىڭ جانە وزگە دە ادامداردىڭ ايتۋىنشا, باتىر جالپى جيىنتىعى 20-دان استام قازاق جانە ورىس سوزدەرىن ايتا العان. «ۇلكەن ارمانىمىز 4 جىلدان كەيىن ورىندالۋدا. رەجيسسەر باۋىرجان دوسماعامبەتوۆ بۇل يدەيانى جارتى جىل بويى جۇرەگىندە ساقتاپ كەلدى. باتىردى ەندى بۇكىل الەم تانيدى دەپ ۇمىتتەنەمىز. ءبىز ءۇش ەلدەن حالىقارالىق كوماندانىڭ باسىن قوستىق. ءبىزدىڭ فيلمدە ايتىلعان جارقىن ءارى مەيىرىمگە تولى حيكايا جۇرەگىمىزدە ماڭگى قالاتىنىنا سەنەمىز» – دەپ جازادى ءوزىنىڭ ينستاگرامداعى پاراقشاسىندا فيلم پروديۋسەرى فارحات ءابدىرايىموۆ.
ميراس اسان,
«ەگەمەن قازاقستان»
قاراعاندى وبلىسى
