2011 جىلدان بەرى جالعاسىپ كەلە جاتقان بۇل يگى جوبا مەملەكەتتىك باعدارلامانى ىسكە اسىرۋ جانە قازاق ءتىلىن كوركەيتۋدى ماقسات تۇتقان. فيلم باستالاردا وبلىستىق مادەنيەت باسقارماسىنىڭ باسشىسى ەرلان قالماقوۆ بۇكىل الەم مويىنداعان گولليۆۋد فيلمدەرىنىڭ قازاق تىلىندە سويلەۋى كورەرمەندەر ءۇشىن زور قۋانىش ەكەنىن ايتتى.
«بيۋدجەتى ورتا ەسەپپەن 200 ملن دوللاردى قۇرايتىن الەمدىك بلوكباستەرلەر جوعارعى ساپالى دۋبلياجدىڭ ناتيجەسىندە مۇلدە ۇلتتىق بولىپ قالىپتاسادى. الەمدىك كينو جاۋھارلارىنىڭ كەيىپكەرلەرى قازاق تىلىندە سويلەيدى, فيلمدەر بۇرىنعىدان دا تۇسىنىكتى, رۋحاني بايىتا تۇسەدى» دەدى ەرلان بولات ۇلى.
دۋبلياجداردىڭ ارقاسىندا بۇگىندە قازاق ءتىلى Sony Pictures ستۋدياسىنىڭ 7 – ءشى ءتىلى, Walt Disney ستۋدياسىنىڭ 39-شى ءتىلى جانە الەم بويىنشا DVD, Blu-Ray بويىنشا تاماشالاۋعا قول جەتىمدى گولليۆۋدتىق فيلمدەردىڭ 7 نەگىزگى تىلدەر قاتارىنا ەندى. ءفيلمدى كورۋگە ۇلكەن-كىشى كوپ جينالدى.
«بالالارىمىزدىڭ گولليۆۋدتىق اتاقتى ونەر شىعارماسىن انا تىلىمىزدە تاماشالاعانى قانداي عانيبەت! وزىمە دە اۋدارما وتە ۇنادى, اۋدارماسى ساپالى, تۇسىنىكتى, سونىمەن قاتار اكتەرلەردىڭ ءسوزدى جەگىزىپ, انىق ايتۋى قازاق ءتىلدىڭ مەرەيىن اسىرا ءتۇستى» دەيدى كورەرمەن, كوپ بالالى انا قارلىعاش بالاپانوۆا.
ءنازيرا جارىمبەتوۆا,
«ەگەمەن قازاقستان»
قوستاناي
