«قازاقستان حالقى اسسامبلەياسى سىزدەردى بەيبىتشىلىك پەن كەلىسىمنىڭ بايتاق قالاسى - استانا كۇنىمەن شىن جۇرەكتەن قۇتتىقتايدى! استانا - الەمنىڭ ەڭ ادەمى جانە قارقىندى دامىپ كەلە جاتقان قالالارىنىڭ ءبىرى. ەلوردامىزدىڭ - تاۋەلسىز قازاقستاننىڭ جاڭا استاناسىنىڭ نەگىزىن قالاعان پرەزيدەنتىمىز نۇرسۇلتان ءابىش ۇلى نازارباەۆتىڭ ساياسي ستراتەگياسى, ارماندارى مەن جۇزەگە اسقان عالامات جوسپارلارىنىڭ جارقىن ۇلگىسى», - دەلىنگەن حابارلامادا.
سونداي-اق, قۇتتىقتاۋدا مەملەكەت باسشىسىنىڭ باستاماسىمەن كيەلى جەرىمىزدە جاڭادان بايتاق قالا, رۋحاني جاڭعىرۋدىڭ قاينارى, حالقىمىزدىڭ ماقتانىشى مەن بىرلىگىنىڭ سيمۆولى پايدا بولعانى ايتىلادى.
«استانا كۇنى قارساڭىندا ەلىمىزدىڭ باستى اۋە ايلاعىنا ەلباسى ەسىمىنىڭ بەرىلۋى دە ايقىن زاڭدىلىق. ۇستىمىزدەگى جىلى استانا «بولاشاق ەنەرگياسىنىڭ» حالىقارالىق ءسامميتى رەتىندە ەلوردا مەن ونىڭ زور جەتىستىگىنىڭ كۋاسى بولعان «ەكسپو-2017» كورمەسىن تاماشالاعان سان مىڭداعان قوناقتار دا قۋانىشتارىن جاسىرا المادى. وسى ايتۋلى جىلدى ءبىز سانانىڭ اشىقتىعىنا, قۋاتتى جانە جاۋاپكەرشىلىگى مول ادامدارى بار ۇلتتىڭ بيىك رۋحىنا جول اشاتىن «رۋحاني جاڭعىرۋ» باعدارلاماسىن ىسكە اسىرۋعا كىرىستىك. ونىڭ ءساتتى ىسكە اسىرىلۋى استانانى ودان ءارى دامىتۋعا جاڭا مۇمكىندىكتەر بەرەتىنىنە سەنىمدىمىز», - دەلىنگەن حابارلامادا.
قۇتتىقاۋ ءسوز سوڭىندا: ء«بىزدىڭ ماقتانىشىمىز, پرەزيدەنتتىڭ عالامات جوباسى بۇدان ءارى قاراي دا الەمدى تاڭ قالدىرىپ, جاھاندىق ديالوگ پەن حالىقارالىق باستامالاردىڭ مەكەنى بولا بەرسىن. استانا - ءبارىمىزدىڭ قۋانىشقا بولەنىپ, باقىتىمىزدىت باعالايتىن قالامىز. مەرەكە قۇتتى بولسىن, قىمباتتى قازاقستاندىقتار! جاساي بەر, استانا!» - دەلىنگەن.
