- بايلانىس جانە اقپارات سالاسىن ۇنەمى نازاردا ۇستاپ, ماڭىزدىلىعىن ەسكەرىپ جانە قولداپ وتىراتىن ەلباسىمىز نۇرسۇلتان ءابىش ۇلى نازارباەۆ «بارلىق بۇقارالىق اقپارات قۇرالدارى مەنشىك فورماسىنا قاراماستان, ءوز حالقىنىڭ مۇددەسى ءۇشىن جۇمىس ىستەۋگە ءتيىس» - دەگەن بولاتىن. سەبەبى جۋرناليستەر – مەملەكەتتىك باعدارلامالار مەن رەفورمالاردىڭ ءمانىن قالىڭ بۇقاراعا جەتكىزىپ, ەلباسىمىزدىڭ سارابدال ساياساتىن ناسيحاتتاپ, حالىق ىشىندەگى وزەكتى ماسەلەلەردى تالداپ, بيلىك نازارىنا ۇسىنۋ ميسسياسىن موينىنا العان قۇرمەتتى دە كۇردەلى كاسىپ يەلەرى,- دەدى وبلىس اكىمى.
ءوز كەزەگىندە قالامگەرلەر دە وبلىس اكىمىنە قولداۋ كورسەتكەنى ءۇشىن العىستارىن جەتكىزدى, ارىپتەستەرىن قۇتتىقتاپ, سالانى دامىتۋ بويىنشا وي-پىكىر, ۇسىنىستارىن ايتتى.
قازىرگى تاڭدا وبلىستىڭ مەديا كەڭىستىگىندە 90-نان اسا بۇقارالىق اقپارات قۇرالدارى جۇمىس ىستەيدى. بۇل سالادا 2 مىڭنان استام ادام ەڭبەك ەتەدى.
