وبلىس اكىمدىگىنىڭ ءباسپاسوز قىزمەتى حابارلاعانداي, جارمەڭكەگە قاراعاندى قالاسىنداعى ءتۇرلى مەنشىك نىسانىنداعى كاسىپورىندار مەن ۇيىمدار قاتىستى.
بۇگىندە قاراعاندى قالاسىنداعى 472 كاسىپورىندار مەن ۇيىمدار 2278 بوس ورىن ۇسىنىپ وتىر, جارمەڭكەگە 92 كاسىپورىن قاتىستى. بۇگىنگى جارمەڭكەگە مەكتەپتەر كوپتەن كەلگەن ەكەن, ولارعا ورىس ءتىلى مەن ادەبيەتى ءپانىنىڭ مۇعالىمدەرى جەتىسپەۋدە.
جارمەڭكەدە جۇمىس ىزدەۋشىلەرگە تومەندەگىدەي ماماندىقتار بويىنشا بوس جۇمىس ورىندارى ۇسىنىلدى: ينجەنەر, لوگيست, مەنەدجەر, ەسەپشى, ساراپشى-باعالاۋشى, دارىگەر, اۋدارماشى, تىگىنشى, سلەسار, جۇك تاسۋشى, كۇزەتشى, توكار جانە تاعى باسقالار.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس قيمىل اگەنتتىگىنىڭ قاراعاندى وبلىسى بويىنشا دەپارتامەنتى جەرگىلىكتى اتقارۋ ورگاندارىنا 245 بوس لاۋازىمدار ۇسىندى.
بۇگىنگى جارمەڭكەگە جۇمىس ىزدەپ جۇرگەن 1052 ادام قاتىستى, ولاردىڭ 205 جۇمىسقا ورنالاستى, 255-ءى ءوز تۇيىندەمەلەرىن قالدىرىپ كەتتى, 206 ادام 2017-2021 جىلدارعا ارنالعان حالىقتى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى بويىنشا كەڭەستەر الدى.
