− مەن فرانتسيادان كەلدىم. بالا-شاعاممەن ۇزاق ۋاقىتتان بەرى پاريجدە تۇرىپ كەلەمىن. قۇدايعا شۇكىر, وندا دا ءبىراز قازاق بار. سوڭعى ەسەپتەۋىمىزشە, 270-تەي وتباسى بارمىز. بىزدە, قۇدايعا شۇكىر, بالا تۋىلعان كەزدەن, توي-تومالاق, ءولىم-جىتىمگە دەيىن ءبارىن قازاق سالتى, مۇسىلمانشىلىق جولىمىزبەن اتقارىپ كەلەمىز. تەك ورتانىڭ اسەرىنەن ءتىل جاعىنان قيىن ماسەلەلەر بار. بالالاردى قازاقشا ۇيرەتەتىن ورتالىقتار اشىپ, بارىنشا ساقتاپ قالۋعا تىرىسىپ جاتىرمىز.
ءوز باسىم قازاقستانعا اباي جانە تۇركىستان تويى سىندى ايتۋلى مەرەكەلەر كەزىندە دە كەلگەن ەدىم. بۇل جولعى كەلۋىمىزدىڭ ءمانى ەرەكشە. بىرىنشىدەن, دۇنيەجۇزى قازاقتارىنىڭ V قۇرىلتايى, ارينە. ەكىنشىدەن, سونىڭ اياسىندا وتكەلى وتىرعان اكەم حاليفا التايدىڭ تۋعانىنا 100 جىل تولۋىنا وراي ۇيىمداستىرىلىپ وتىرعان عىلىمي كونفەرەنتسيا. الەم قازاعىنا ورتاق تۇلعانىڭ ەڭبەكتەرىن تالداپ, تالقىلاپ عىلىمي كونفەرەنتسيا جاساۋدى وسى قۇرىلتاي اياسىندا ۇيىمداستىرۋ كوڭىلگە قونىمدى, جاستارعا پايدالى ءىس دەپ ەسەپتەيمىن. توي وسىنداي يگىلىكتى شارالارىمەن ءمانىن ارتتىرا تۇسەدى. وتە قۋانىشتىمىن. تابىس تىلەيمىن.
ابدۋلسامەت التاي, كاسىپكەر
