وڭتۇستىك قازاقستان وبلىسى اكىمدىگى مەن قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتىنىڭ ۇيىتقى بولۋىمەن وتكەن شارادا «ەكسپو-2017» كورمەسىنە ارنالعان «ەلىمىزدىڭ بولاشاق ەنەرگياسى – مەملەكەتتىك قىزمەتشى» اتتى تەاترلاندىرىلعان-حورەوگرافيالىق كورىنىس, «قازاقستان حالقىنىڭ بىرلىگى» حورەوگرافيالىق كومپوزيتسياسى جانە باستى مەرەكەگە ارنالعان باقىتجان مۇستافاەۆتىڭ «مەملەكەتتىك قىزمەتكەر» انىنە قويىلعان اپليكاتسيالىق قويىلىم كورسەتىلدى.
جالپى, مەملەكەتتىك قىزمەتتىڭ مانساپتىق مودەلىنىڭ تيىمدىلىگى ۇشان-تەڭىز. بۇعان دەيىن ءبىر مەكەمەنىڭ باسشىسى اۋىسسا, وندا جۇمىس ىستەيتىن قىزمەتكەرلەردىڭ تەڭ جارتىسى جۇمىستان بوساپ قالاتىن ەدى. ارىپتەستەر جاڭا كەلگەندەرمەن ءتۇسىنىسىپ ۇلگەرگەنشە جۇمىس اقساي تۇسەتىن. باسشىنىڭ اۋىسۋى سەبەپتى كادرلار دا اۋىسىپ, وسىنىڭ سالدارىنان ونىمدىلىك ازايىپ, ناتيجە تومەن بولاتىن ەدى. ەندى ەلباسىنىڭ تاپسىرماسىنا سايكەس, ماپساپتىق مودەل ەنگىزىلگەننەن كەيىن كوماندالىق اۋىسۋ جويىلىپ كەلەدى. الدىڭعى جىلدارمەن سالىستىرعاندا وتكەن جىلى اۋىسۋ تارتىبىمەن تاعايىنداۋ كورسەتكىشى 58 ەسەگە ازايعانى سونىڭ دالەلى.
مانساپتىق مودەل بويىنشا وتكەن جىلى وبلىستا 402 مەملەكەتتىك قىزمەتشى جوعارى لاۋازىمعا تاعايىندالىپ, بۇل كورسەتكىش 12 پايىزعا ارتقان. ال اتتەستاتتاۋ اياسىندا وبلىس بويىنشا 8700 مەملەكەتتىك اكىمشىلىك قىزمەتشىنىڭ 6843-ءى كەشەندى اتتەستاتتاۋدان وتسە, سونىڭ 1766-سى وتە جاقسى, 4482-ءسى ءتيىمدى دەگەن باعا العان.
ايتا كەتۋ كەرەك, ايماقتاعى مەملەكەتتىك قىزمەتشىلەردىڭ 15 پايىزىن جاستار قۇرايدى.
