سەرىكجان مىرزا سوندا: ء«بىزدىڭ قازاقتا اتا-بابا جولىن قاستەرلەيتىن, ۇرپاعىن ۇلىق تۇتاتىن ادەمى قاسيەت بار. «اتادان جاقسى ۇل تۋسا,ەلدىڭ قامىن جەيدى; اتادان جامان ۇل تۋسا,ەلدىڭ مالىن جەيدى», دەگەن ءتامسىل سودان قالسا كەرەك. ءوزىم دە, ىنىلەرىم دە, بالالارىم مەن نەمەرەلەرىم دە بابالار جولىن باستى باعىت ەتىپ ۇستاپ, بارلىق تىرلىكتەرىمىزدىڭ باستاۋىن سول كىسىلەردىڭ ارمان-تىلەگىمەن جالعايمىز», – دەگەن بولاتىن.
تەكتىلىك تاعىلىمى, اتا-بابالار اماناتىنا ادالدىق دەگەنىڭىز, مىنە, وسى. بابالارى مەڭلىباي قاجى كەزىندە ەلدىڭ ىنتىماعى مەن ىرىسىن ويلاپ, شىلىك اۋىلىنان مەشىت سالدىرعان. قاجىڭىزدىڭ ۇلكەن ۇلى ەسجان كوپىر سالدىرىپ, ديىرمەن جۇرگىزگەن. سەيىتجان ورتالىق ازيا مەملەكەتتىك ۋنيۆەرسيتەتىنىڭ فيزيكا-ماتەماتيكا فاكۋلتەتىن ۇزدىك ءبىتىرىپ, ۇرپاققا ءبىلىم بەرۋگە, تاربيەلەۋگە ۇلكەن ۇلەس قوسقان. مەكتەپ سالدىرعان...
بۇل باق قونعان اۋلەتتى بۇكىل بايتاعىمىز بىلەدى. سەرىكجان سەيىتجانوۆ تۋرالى ەلباسىمىزدىڭ ءوزى ىلعي ىستىق ىقىلاس تانىتادى. كۇنى كەشە ءساۋىردىڭ ساۋمال سامالى ساۋلاپ تۇرعاندا وڭتۇستىككە, شىرايلى شىمكەنتكە كەلگەندە دە پرەزيدەنتىمىز ەلشىل ەرەننىڭ ەڭبەگىن جوعارى باعالادى.
سەرىكجاننىڭ ۇلكەن باۋىرى كەرىمجاندى دا جۇرتشىلىق جاقسى بىلەدى. ءبىز دە ءبىر كىسىدەي بىلىڭكىرەيمىز. شىمكەنت كولىك جانە كوممۋنيكاتسيا كوللەدجىن باسقارعان جىلدارى كەرەكەڭ كەڭ كوسىلىپ, كەرەمەت ىستەر اتقاردى. ءبىرتالاي ءىس-شارالارىنا قۋانا قاتىسىپ, كەرىمجاننىڭ كەمەلدىگىنە كوز جەتكىزىپ, تەكتىلىگىنە ءتانتى بولعانبىز.
بۇل جولعى اڭگىمەنىڭ ارقاۋى ءالىمجان حاقىندا. سولاي بولا تۇرا ءوزىمىز وزگەشە كورەتىن, بۇكىل ەل قادىرلەيتىن سەرىكجان مەن كەرىمجان تۋراسىندا از-كەم ايتپاۋ مۇلدە مۇمكىن ەمەس قوي.
اۋلەتتى اۋلەتتىڭ ءالىمجانى. ءالىمجان سەيىتجان ۇلى قۇرتاەۆ. ءبىر اۋلەتتىڭ عانا ماقتانىشى ەمەس, ارينە. ءالىمجانىڭىز دا بۇگىندە بارشاعا تانىمال تۇلعاعا اينالعان. وتىراردىڭ عانا وزىق ويلى, وزات ارەكەتتى وعلانى دەي المايسىز. ۇلىسىڭىزدىڭ ۇيىتقىسى اتانعان وڭتۇستىگىڭىزدىڭ ورازدى ۇلى. وسى قازاعىڭىز ورازدى دەپ وسىنداي پاراساتتى پەرزەنتتەرىن ايتقان. باسىنا جاقسىلىق ءۇيىر, باق-بەرەكەلى, ىرىس-قۇت قونعان ادامدى, ازاماتتى, وتباسىنى, اۋلەتتى وسىلاي مەڭزەگەن.
قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا كانديدات ءالىمجان سەيىتجان ۇلى قۇرتاەۆتىڭ ومىردەرەكتەرىنە قاراساڭىز, كوكەيىڭىز كورىكتەنەدى, كوڭىلىڭىز تولادى.
سەكسەنىنشى جىلداردىڭ باسىندا ستۋدەنتتىك جىلدارىن جامبىلدا وتكەرگەن. بەرتىنىرەكتە تاراز اتانعان تاريحى تەرەڭ شاھاردىڭ تىم ىستىق كورىنەرى سوندىقتان. قىزىلوردادا ەڭبەك جولىن باستاعان. ەل اناسى, جەر اناسى اتانعان سىردىڭ كەڭەيىپ, تەرەڭدەيتىن, تەڭىزگە قاراي ەلەڭدەيتىن وڭىرىندە وزگەشە ونەگەلەردەن سىر تۇيگەن تەكتى ۇل تۇپتەپ كەلگەندە, ءوزىنىڭ ارمان-اڭسارى قۇرىلىس سالاسىندا ەكەنىن تۇسىنگەن.
قۇرىلىس شەبەرى. ول كەزدە ماستەر دەيتىن. سونسوڭ اعا ينجەنەر. زەرتحانانىڭ عىلىمي قىزمەتكەرى. «شىمكەنتپرومستروي» ترەسى قۇرىلىس ماتەريالدارى كومبيناتىنىڭ ديرەكتورى. ترەست باسقارۋشىسىنىڭ ورىنباسارى. ارىس قالاسىنىڭ اكىمى. جالپاق جۇرتقا جاقسى جاعىنان ايان «وڭتۇستىكقۇرىلىسسەرۆيس» جشس ديرەكتورى. وبلىستىق باسقارما باسشىسى. رەسپۋبليكالىق اگەنتتىك توراعاسىنىڭ ورىنباسارى. كوشى-قون جونىندەگى. وتىرار اۋدانىنىڭ اكىمى... وسىلايشا جالعاسا بەرەدى.
بۇگىندە «نۇر وتان» پارتياسى وقو فيليالى توراعاسىنىڭ ءبىرىنشى ورىنباسارى رەتىندە ىسكەرلىگىن, ىزدەنىمپازدىعىن, سالماقتىلىعىن, ساليقالىلىعىن, تاجىريبەسىنىڭ تاسىپ-توگىلىپ جاتقاندىعىن, الايدا, تەكتىلىگىنە سايكەس ءوزىنىڭ مىنەز بەن ارەكەت, ءسوز بەن ءىس جاعىنان ەشقاشان تاسىپ-توگىلمەيتىنىن تانىتىپ كەلەدى.
ءجۇرىپ وتكەن جولى, اتقارىپ كەلە جاتقان الۋان ءتۇرلى قىزمەتتەرى جاعىنان باعامداپ بايقاساڭىز, ناعىز سەنات دەپۋتاتى بولاتىنداي تۇلعانى كورگەندەيسىز. سولاي سەزىنەسىز. سەناتتا وتىرعانىن سەنىمدى ەلەستەتەسىز.
كاتتا كومبيناتتا, تەگەۋرىندى ترەستە باسشى بولعاندا دا, ۇلى ۇستاز باباسىنىڭ توپىراعىن ارىستانباب كەسەنەسىنىڭ الدىنا اكەلىپ قوسقاندا دا تيتىمدەي شىرەنبەگەن. قاراپايىم قالپىنان, كىشىپەيىل كۇيىنەن تانباعان.
جالپى, باق قونعان بۇل اۋلەتتىڭ تۇلپار ءمىنىپ, تۋ ۇستاعان قاي-قاي پەرزەنتى دە مىنەزگە وتە-موتە باي. ايتپەسە, القۋاتتانعان, بايشىكەشتەنگەن ءبىرتالايلار بۇتكەرمەلەنە تالتاڭداپ, كەنەدەيىن كۇپسىپ, كوزدەرى شەلدەنىپ, شىرەنگەندە, شىركىن-وي, جۇرە الماي قالادى عوي. بايىعانعا, بار بولعانعا نە جەتسىن-اي, نە جەتسىن. بىراق, بايلىق پەن بارلىقتى كوتەرە الماي جاتقاندار قانشاما...
ءالىمجان مىرزانىڭ سايلاۋالدى باعدارلاماسىمەن تانىستىق. ناق-ناق. قىسقا دا نۇسقا. ناعىز دىلگىر دۇنيەلەر قامتىلعان. ۇلتتىق بىرلىك. رۋحاني جاڭعىرۋدىڭ ءجون-جوسىقتارى. ەكونوميكا مەن جاڭا تەحنولوگيا جانە ونەركاسىپ قامى. اۋىلدىڭ جانى. ءبىلىم «كۋلتى». زياتكەرلىك كىلتى. دەنساۋلىق ساقتاۋدىڭ ساپاسى مەن قولجەتىمدىلىگى. تۋعان جەردى تۇلەتۋ. جاستاردى قولداۋعا ناقتىلى سەرپىن بەرۋ.
ءالىمجان قۇرتاەۆتىڭ پارلامەنت سەناتىنىڭ پاراساتتى دەپۋتاتى, حالىقتىڭ شىن قالاۋلىسى بولارىنا سەنەمىز.
مارحابات بايعۇت,
جازۋشى, حالىقارالىق«الاش» جانە
«تۇركى الەمىنە قىزمەت» سىيلىقتارىنىڭ لاۋرەاتى, قازاقستاننىڭ ەڭبەك
سىڭىرگەن قايراتكەرى
