كەڭەيتىلگەن وتىرىستا كەلەلى ماسەلەلەر نازارعا الىندى

قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىندا قازاقستان حالقى اسسامبلەياسى جانىنان قۇرىلعان عىلىمي-ساراپتامالىق كەڭەستىڭ كەڭەيتىلگەن وتىرىسى بولىپ ءوتتى. قازاقستان حالقى اسسامبلەيا­سىنىڭ قىزمەتىن دامىتۋ جانە مەملەكەتتىڭ ەتنوۇلتتىق سايا­ساتىن عىلىمي-ساراپشىلىق قىز­مەت­پەن قامتاماسىز ەتۋ مەملەكەتتىك تۇرعىدا قوعامدىق دامۋ­دىڭ ستراتەگيالىق مىندەتتەرىن شەشۋ ءۇشىن جاڭا مىندەتتەر الىپ, ما­ڭىز­دى شەشىم قابىل­داۋعا نەگىز بولىپ وتىر. مەملەكەت باسشى­سى­نىڭ تاپسىرماسى بويىنشا قۇ­رىل­عان قازاقستان حالقى اسسامب­لەياسىنىڭ عىلى­مي-ساراپتامالىق كەڭەسى قوعام­دىق پىكىرلەردى بەلسەندى ەتۋ, قوعامدىق كەلىسىم جانە ەتنوس­ارالىق تولەرانتتىلىقتىڭ قا­زاق­ستاندىق ۇلگىسىن دامىتۋدىڭ بەرىك نەگىزىن قۇرۋ ماقساتىندا عىلىمي الەۋەتتى, ونىڭ ىشىندە ەتنومادەني بىرلەستىكتەردىڭ عا­لىمدارىن ءبىر ورتاعا توپتاس­تىرا ءبىلدى. ەلباسى, قازاقستان حالقى اس­سامبلەياسىنىڭ توراعاسى ن.ءا.نا­زارباەۆ اسسامبلەيانىڭ ءحVىى سەسسياسىندا ەلدىڭ يندۋس­تريالىق-يننوۆاتسيالىق دامۋى مەن الەۋمەتتىك مودەرنيزاتسيا­لانۋى­نا سايكەس, ازاماتتىق قو­عام­­نىڭ بارلىق قۇرىلىم­دارى­نىڭ قىزمەتتىك اياسىن كەڭەيتۋ ءجا­نە جۇمىس دەڭگەيىن ساپالىق تۇر­عى­دا ارتتىرۋدى تالاپ ەتەتىن ءمىن­دەتتەر­دىڭ جاڭا توپتاماسىن ايقىنداپ بەر­دى. ول ءۇشىن ىرگەلى, قولدانبالى جانە بولجام جا­ساۋعا باعىتتالعان زەرتتەۋلەردى دامىتۋ جونىندەگى ينتەللەكتۋال­دىق رەسۋرستاردىڭ ءبىر­تۇتاس قۇ­رىلىمى مەن قوعامدىق جانە مەملەكەتتىك-قۇقىقتىق تەتىك­تەر­دىڭ ىسكە قوسىلۋى تيىستىگىن اتاپ كورسەتتى. وسى مىندەتتەردىڭ ۇدەسىنەن شىعۋ ماقساتىمەن 2011 جىلدىڭ 7 قىركۇيەگىندە قازاقستان حال­قى اسسامبلەياسى عىلىمي-سا­راپ­تاما­لىق كەڭەسى قىزمەتىنىڭ قۇقىقتىق نەگىزى جانە مارتەبەسى, مەملەكەتتىك ساياساتتىڭ ەتنوس­ارالىق قاتى­ناس­تار سالاسىنداعى ماڭىزدى ءما­سەلەلەرىن عىلىمي-ساراپشىلىق تۇرعىدا سۇيەمەل­دەۋ­دەگى ءرولى كور­سەتىل­گەن قازاقستان رەسپۋبليكاسى پرەزيدەنتىنىڭ «ق­ا­زاق­ستان حالقى اسسامبلەياسىنىڭ ەرەجەسى تۋرا­لى» №149 جارلىعى بەكىتىلگەن-ءدى. بۇعان دەيىن وسى جىلدىڭ 16 مامىرىنداعى قازاقستان حالقى اسسامبلەياسىنىڭ كەڭەيتىلگەن وتى­رىسىندا بەرىلگەن تاپسىر­ما­لاردى ىسكە اسىرۋ جونىندەگى ءىس-شارالار جوس­پارى كۇن تارتىبىنە قويىلىپ, مەملەكەتتىك حاتشىنىڭ 2011 جىل­عى 1 ماۋسىمداعى №3 وكىمىنە ءساي­كەس جوبالاردى قارجىلاندىرۋ, وعان قاجەتتى رەسۋرستىق, عىلىمي جانە ءبىلىم بەرۋ بازالارىن قالىپ­تاس­تىرۋ, مەملەكەتتىك ورگاندار مەن عىلىمي ۇيىمداردىڭ ءوزارا قارىم-قاتىناسىن دامىتۋعا بايلانىستى ماڭىزدى ماسەلەلەر­دى اتقارۋ شارا­سى العا قويىلعان. قازاقستان رەس­پۋب­ليكاسى تاۋەل­سىز­دىگىنىڭ 20 جىل­دى­عىن مەرەكەلەۋ اياسىندا قازاق­ستان حالقى اس­سامبلەياسى عىلىمي-ساراپتا­ما­لىق كەڭەسى عىلىمي زەرتتەۋلەر اياسىن كەڭەيتىپ, ەتنوسارا­لىق ءجا­نە كونفەسسياارالىق قارىم-قاتى­ناس اسپەكتىلەرىنىڭ ىرگەلى جانە قولدانبالى باسىم باعىت­تارىن قالىپتاستىردى. قازاقستان رەسپۋبليكاسى پرە­زي­دەنتىنىڭ جانىنداعى قازاق­ستاننىڭ ستراتەگيالىق زەرتتەۋلەر ينستي­تۋ­تىن­دا وتكەن عىلىمي-ساراپتا­ما­لىق كەڭەستىڭ كەڭەي­تىل­گەن وتىرى­سىن­­دا اسسامبلەيا ءتور­اعاسىنىڭ ورىن­با­سا­رى ە.توع­جانوۆ كۇن ءتار­تىبىندەگى ءما­سە­­لەلەردىڭ رەتىمەن تا­نىس­تىرىپ, كە­ڭەستىڭ مۇشەلەرى ب.سۇل­تانوۆ, ن.كا­لاشنيكوۆا, ا.سادۋاقاسوۆا ات­قا­رىل­عان ءىس-شارالاردىڭ ەسەبىن ءتۇ­يىن­دە­دى. سونىمەن قاتار, ەتنو­ما­دەني ءبىر­لەستىكتەردىڭ باسشىلارى ا.دەدەرەر, ز.كاسانوۆ, س.وزدوەۆ, ك.ميرزوەۆ ءوز كەزەگىندە ەتنوسارا­لىق ماسە­لە­دە بىرلەسكەن زەرتتەۋلەر ءجۇر­گىزۋدىڭ پايدالىلىعىن اتاپ ءوتتى. عىلىمي-ساراپتامالىق كە­ڭەس­تىڭ كەڭەيتىلگەن وتىرىسىندا اتال­­مىش كەڭەستىڭ بەلسەندى قا­تىسۋى­مەن وتەتىن قازاقستان تاۋەل­­­سىزدىگى­نىڭ 20 جىلدىعىنا ار­نالعان ءىس-شارالار جوسپارى بەل­گىلەندى. وتى­­رىستىڭ كۇن ءتار­تىبىندەگى ءما­سەلەلەر جان-جاقتى تالقىلانىپ, ەل تاۋەلسىزدىگىنىڭ 20 جىلدىعى اياسىنداعى ءىس-شا­رالاردى جۇزەگە اسىرۋعا جانە ەتنوسارالىق قاتى­ناس­تار مەن تولەرانتتىلىق سالا­لارىندا ىرگەلى جانە قولدانبالى زەرتتەۋلەر جۇرگىزۋ, 2011 جىلعى 7 قىر­كۇيەكتەگى ەل پرەزيدەنتىنىڭ №149 جارلىعىنا سايكەس قا­بىل­دانعان «قازاقستان حالقى اس­سامب­لەياسى تۋرالى ەرەجەنىڭ» قا­بىل­دانعا­نىن نازارعا الۋ, اسسامبلەيا قىز­مەتىندەگى يننوۆا­تسيا­لىق با­عىت­­تار­دىڭ العا جىل­جۋىنا قولداۋ كورسەتۋ, الەۋمەت­تىك ماڭىزدى جو­بالاردى جانە زەرتتەۋلەردى جۇزە­گە اسىرۋدا تيىمدىلىكتى ارتتىرۋ ماق­ساتىندا عالىمدار­مەن, ساراپ­شى­لار­مەن ءوزارا قا­رىم-قاتى­ناس­تى نىعاي­تۋ جانە وسى باعىتتاعى جۇ­مىس­تى ۇيلەس­تىرۋ, ورتالىق ازيا­دا­عى تولە­رانت­تىلىق ماسەلە­لەرى جونىندەگى ازاماتتىق فورۋم يدەيا­سى مەن ۇسىنىسىن نەگىزگە الا وتىرىپ, ەتنوسارالىق قاتى­ناس­تار سالاسىن زەرتتەۋ ماقسا­تىندا حا­لىق­ارا­لىق ساراپشى­لار كلۋبىن قۇرۋ تۇ­جىرىم­داماسىن ماقۇلداۋ, عى­لى­مي-ساراپتامالىق كەڭەس ءمۇ­شە­لەر­ى­نىڭ ر.ب.سۇلەيمەنوۆ اتىن­داعى شىعىستانۋ ينستيتۋتى ءجا­نە ل.ن.گۋميلەۆ اتىنداعى ەۇۋ-ءدىڭ يۋنەسكو كافەدرالارىمەن شى­عا­رىلاتىن جۋرنالدار مەن جي­ناقتاردىڭ, ارنايى ۆەب-سايت­تار­دىڭ مۇمكىندىگىن قولدانۋ ار­قى­لى اقپاراتتىق سۇيەمەلدەۋگە يە بولۋ, عىلىمي-ساراپتامالىق كەڭەس ءمۇ­شە­لەرىمەن قابىلدانعان ۇسىنىس­تار­دى مۇددەلى مەملەكەتتىك قۇرى­لىمدارعا, عىلىمي جانە ءبىلىم بەرۋ ۇيىمدارىنا, ەتنوما­دە­ني بىرلەستىكتەرگە جولداۋ سەكىلدى ءبىر­قاتار ماڭىزدى مىندەتتەر جاۋاپكەرشىلىككە الىندى. قانات ەسكەندىر. الماتى.