كەزدەسۋ بارىسىندا قازاقستان ۇكىمەتى مەن يۋنيدو اراسىنداعى ارنايى كەلىسىم اياسىندا مەملەكەت باسشىسى ن.نازارباەۆتىڭ بەس ينستيتۋتسيونالدىق رەفورمالارىن, قازاقستان ەكونوميكاسىن جەدەل تەحنولوگيالىق جاڭعىرتۋدى, يندۋستريالدى-يننوۆاتسيالىق دامۋ مەملەكەتتىك باعدارلاماسىن ىسكە اسىرۋداعى ىنتىماقتاستىق ماسەلەلەرى تالقىلاندى. جىلى شىرايلى اڭگىمەدە قازاقستاننىڭ ونەركاسىپتىك ستاتيستيكا, ونەركاسىپتىك بىرىگۋ جانە ونەركاسىپتىڭ قورشاعان ورتاعا تيگىزەتىن جاعىمسىز اسەرىن تومەندەتۋ سەكىلدى باعىتتاردا يۋنيدو-نىڭ وڭىرلىك جوبالارىنا قاتىسۋىن جالعاستىرۋ جايى قارالدى.
تاراپتار ەكسپو-2017 كورمەسى بازاسىندا حالىقارالىق «جاسىل» تەحنولوگيالار ورتالىعى مەن «بولاشاق ەنەرگياسى» ينۆەستيتسيالىق جوبالارىن قۇرۋ بويىنشا بىرلەسكەن جۇمىستارعا دايىندىق بارىسىن دا تالقىلادى.
