ق.ءابدىراحمانوۆ ەۋروپاداعى قاۋىپسىزدىك جانە ىنتىماقتاستىق جونىندەگى ۇيىمىنىڭ (ەقىۇ) باس حاتشىسى لامبەرتو زانەرمەن كەزدەسۋ بارىسىندا ەقىۇ كۇن ءتارتىبى ماسەلەلەرىنىڭ كەشەنى بويىنشا قازاقستان كونسترۋكتيۆتى ديالوگتى جالعاستىرۋعا دايىن ەكەنىن جەتكىزدى. سۇحباتتاستار ەۋروپالىق قاۋىپسىزدىك, ەقىۇ جورىق ميسسيالارىنىڭ جۇمىسى, ەكسترەميزممەن كۇرەسۋ, ورتالىق ازياداعى سۋ رەسۋرستارىن باسقارۋ تۋرالى ديالوگ ماسەلەلەرى جانە ەقىۇ-نىڭ اۋعانستانمەن ءوزارا ىقپالداسۋ پەرسپەكتيۆالارى بويىنشا پىكىر الماستى. ەقىۇ-نىڭ ەۋرازيالىق ولشەمىن ودان ءارى كۇشەيتۋ ماڭىزى اتالىپ ءوتتى. ل.زانەر قازاقستاندى ەكسپو-2017 حالىقارالىق كورمەسىن ءساتتى ۇيىمداستىرۋمەن قۇتتىقتادى.
ماجارستان ۇلتتىق ەكونوميكا ءمينيسترى ميحاي ۆارگامەن كەزدەسۋ بارىسىندا ەكونوميكالىق ىنتىماقتاستىق جونىندەگى ۇكىمەتارالىق كوميسسيا مەن ىسكەرلىك كەڭەسىنىڭ الەۋەتىن ءتيىمدى پايدالانۋ ماڭىزى ايتىلدى. قازاق-ماجار اۋىلشارۋاشىلىق تىكەلەي ينۆەستيتسيالار قورىنىڭ ەلەۋلى الەۋەتى بار.
م.ۆارگا قازاق-ماجار قاتىناستارىنىڭ ورناتىلعانىنان بەرى ولاردى دامىتۋداعى قازاقستان پرەزيدەنتى نۇرسۇلتان نازارباەۆتىڭ ەرەكشە ءرولىن اتاپ كورسەتتى. ماجارستان ءمينيسترى جاقىندا ىسكە قوسىلعان استانا-بۋداپەشت تىكەلەي اۋە رەيسى ىسكەرلىك جانە گۋمانيتارلىق بايلانىستاردىڭ ودان ءارى دامۋىنا وڭ اسەرىن تيگىزەتىندىگىنە سەنىمدى. تاراپتار قازاقستان مەن ماجارستاننىڭ ء«بىر بەلدەۋ − ءبىر جول» جوباسىنا قاتىسۋ پەرسپەكتيۆالارىن تالقىلادى. ماجارستاندىق ساياساتكەر, سونىمەن قاتار, ورتالىق ازيا مەن ۆىشەگراد توبى اراسىنداعى ديالوگتى ورناتۋ يدەياسىن قاراستىرۋدى ۇسىندى.
