ق. ءابدىراحمانوۆ ەۋروپاداعى قاۋىپسىزدىك جانە ىنتىماقتاستىق جونىندەگى ۇيىمى (ەقىۇ) باس حاتشىسى لامبەرتو زانەرمەن كەزدەسۋ بارىسىندا ەقىۇ كۇن ءتارتىبى ماسەلەلەرىنىڭ كەشەنى بويىنشا قازاقستان كونسترۋكتيۆتى ديالوگتى جالعاستىرۋعا دايىن ەكەنىن جەتكىزدى.
سۇحباتتاستار ەۋروپالىق قاۋىپسىزدىك, ەقىۇ جورىق ميسسيالارىنىڭ جۇمىسى, ەكسترەميزم مەن راديكاليزاتسيالانۋمەن كۇرەسۋ, ورتالىق ازياداعى سۋ رەسۋرستارىن باسقارۋ تۋرالى ديالوگ ماسەلەلەرى جانە ەقىۇ-نىڭ اۋعانستانمەن ءوزارا ىقپالداسۋ پەرسپەكتيۆالارى بويىنشا پىكىر الماستى. ەقىۇ-نىڭ ەۋرازيالىق ولشەمىن ودان ءارى كۇشەيتۋ ماڭىزى اتالىپ ءوتتى.
ل. زانەر قازاقستاندى حالىقارالىق «ەكسپو-2017» كورمەسىن ءساتتى ۇيىمداستىرۋمەن قۇتتىقتادى. 15-16 ماۋسىمدا كورمە شەڭبەرىندە 130-دەن استام ديپلوماتيالىق جانە ۇيىم مەملەكەتتەرىنىڭ ساراپشى ورتالارىنىڭ وكىلدەرىنىڭ قاتىسۋىمەن ەقىۇ ەكونوميكالىق-ەكولوگيالىق فورۋمىنا ەكىنشى دايىندىق كەزدەسۋى وتەدى.
ماجارستان ۇلتتىق ەكونوميكا ءمينيسترى ميحاي ۆارگامەن كەزدەسۋ بارىسىندا ەكونوميكالىق ىنتىماقتاستىق جونىندەگى ۇكىمەتارالىق كوميسسيا مەن ىسكەرلىك كەڭەسىنىڭ الەۋەتىن ءتيىمدى پايدالانۋ ماڭىزى ايتىلدى. قازاق-ماجار اۋىل شارۋاشىلىق تىكەلەي ينۆەستيتسيالار قورىنىڭ ەلەۋلى الەۋەتى بار.
م. ۆارگا قازاق-ماجار قاتىناستارىنىڭ ورناتىلعانىنان بەرى ولاردى دامىتۋداعى قازاقستان پرەزيدەنتى نۇرسۇلتان نازارباەۆتىڭ ەرەكشە ءرولىن باسىپ ايتتى. ماجارستان ءمينيسترى جاقىندا ىسكە قوسىلعان استانا-بۋداپەشت تىكەلەي اۋە رەيسى ىسكەرلىك جانە گۋمانيتارلى بايلانىستاردىڭ ودان سايىن دامۋىنا وڭ اسەرىن تيگىزەتىندىگىنە سەنىمدى.
تاراپتار قازاقستان مەن ماجارستاننىڭ ء«بىر بەلدەۋ, ءبىر جول» جوباسىنا قاتىسۋ پەرسپەكتيۆالارىن تالقىلادى. ماجارستاندىق ساياساتكەر سونىمەن قاتار ورتالىق ازيا مەن ۆىشەگراد توبى اراسىنداعى ديالوگتى ورناتۋ يدەياسىن قاراستىرۋدى ۇسىندى.
