«استانا ەكسپو-2017» حالىقارالىق كورمەسى شەڭبەرىندەگى «اتوم ەنەرگياسىنىڭ الەمى» پاۆيلونىندا «قازاتومونەركاسىپ» ۇاك» اق مەن Cameco Corporation, Uranium One Inc., CGN جانە AREVA كومپانيالارى اراسىنداعى مەموراندۋمدارعا قول قويىلدى.
ءتورت بىردەي قۇجات قازاتومونەركاسىپتىڭ ەلباسى ن.ءا. نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا ايتىلعان جانە «تسيفرلىق قازاقستان» مەملەكەتتىك باعدارلاماسى اياسىنداعى مىندەتتەردى جۇزەگە اسىرۋداعى ىنتىماقتاستىق مۇمكىندىكتەرىن بەلگىلەيدى. تاراپتار بىرلەسكەن كاسىپورىندارداعى اۆتوماتتاندىرۋ, تسيفرلاندىرۋ جانە روبوتتاندىرۋ سالاسىنداعى ىنتىماقتاستىققا, اتاپ ايتقاندا, Big Data, زاتتار ينتەرنەتى, ادديتيۆتىك تەحنولوگيالار, 3D ۇلگىلەۋ جانە بۇلتتى تەحنولوگيالار جونىندەگى جوبالاردى ازىرلەۋگە نيەتتى. بۇدان بولەك, مەموراندۋمدار بىرلەسكەن سەمينار, فورۋم, تاجىريبە الماسۋ ماقساتىمەن تاعىلىمدامالار وتكىزۋدى دە قاراستىرادى.
«مەملەكەت باسشىسى ءوز جولداۋىندا ونەركاسىپ پەن ءوندىرىستى تسيفرلاندىرۋ رەلسىنە وتكىزۋ قاجەتتىگىن اتاپ ءوتتى, بۇگىنگى مەموراندۋمدار – سول تاپسىرمانىڭ ءىس جۇزىندە ورىندالۋىنىڭ كورىنىسى. سوندىقتان ءبىزدىڭ بارلىق كاسىپورىندارىمىز تسيفرلاندىرۋعا كوشەدى, روبوتتاندىرۋ ەلەمەنتتەرىن قولدانىپ, مول دەرەكتەردى تالداۋ ارقىلى جۇمىس جۇرگىزەتىن بولادى», - دەدى قازاتومونەركاسىپ باسقارما توراعاسى اسقار جۇماعاليەۆ.
قازىرگى كەزدە ۇلتتىق اتوم كومپانياسى «يندۋستريا 4.0» تۇجىرىمداماسىن ىسكە اسىرۋ بويىنشا بەلسەندى جۇمىستار اتقارىپ كەلەدى. ناقتى ايتقاندا, قازاتومونەركاسىپتە ۋران ءوندىرىسىنىڭ نەگىزگى باعىتتارىن كەشەندى اۆتوماتتاندىرۋ ءجۇرىپ جاتىر. «يندۋستريا 4.0» ءۇشىن تۇعىرناما بولاتىن تسيفرلىق كەنىش, ERP (كاسىپورىن رەسۋرستارىن جوسپارلاۋ), جوسپارلاۋدىڭ بىرىكتىرىلگەن جۇيەسى, جاعداياتتىق ورتالىق جوبالارى ىسكە قوسىلعان.
«قازاتومونەركاسىپ-SaUran» ەنشىلەس كاسىپورنىندا دايىن ءونىمدى ىدىسقا سالۋ تارماعىن روبوتتاندىرۋ پروتسەسى قولعا الىندى. ۋران ءونىمىن ىدىسقا سالۋدى, ولشەۋ جانە جونەلتۋدى ەندى قىزمەتكەرلەر ەمەس, روبوتتاندىرىلعان كەشەن اتقاراتىن بولادى. «يندۋستريا 4.0» نەگىزگى قۇرامداس بولىكتەرىنىڭ ءبىرى – زاتتار ينتەرنەتى (ەلەكتروندى قوندىرعىلاردىڭ ادام قاتىسۋىنسىز ءوزارا ارەكەتتەسۋ ءپرينتسيپى). بارلىق ناقتى وندىرىستىك كورسەتكىشتەر جابدىقتارداعى حابارشىلار كومەگىمەن كومپانيانىڭ باس كەڭسەسىنە كەلىپ تۇسەدى. بۇل وندىرىستەگى ادامدىق فاكتوردى بولدىرماي, راستالعان دەرەكتەر الۋعا جانە پروتسەستەردىڭ اۆتونومدىعىن قامتاماسىز ەتۋگە مۇمكىندىك بەرەدى. وندىرىستىك ۋچاسكەلەر ءوزارا ارەكەتتەسىپ, تاپسىرىستاردى قالىپتاستىرادى, ولشەمدەردى تۇزەتىپ, نورماتيۆتەردى رەتتەي الادى.
