جيناققا سۇيەۋباي بايقادي ۇلىنىڭ جۋرناليستىك قىزمەت قورجىنىنا جارتى عاسىر بويى جينالىپ, باسپاسوزدە جاريا كورگەن پۋبليتسيستيكاسىنىڭ تاڭداۋلىلارى ىرىكتەلىپ, كوپشىلىك نازارىنا ۇسىنىلىپتى. جيناق كەشەگى قولىنا قالام العان ون ءتورت جاسار جەتكىنشەكتەن, بۇگىنگى نەمەرە ءسۇيىپ, ۇرپاق وربىتكەن ۋلكەن ءبىر اۋلەتتىڭ وتاعاسى, اقساقالى, ساليقالى ەل ازاماتىنا اينالعان سۇيەۋباي بايقادي ۇلىنىڭ تۋعان ەلى مەن جەرىنە, ەڭبەك ادامدارىنا دەگەن ىستىق ىقىلاسىنان تۋعان ولكەنىڭ وزەكتى ماسەلەلەرىن كوتەرەتىن تۋىندىلارىنان تۇرادى. شاراعا قالانىڭ ىشكى ساياسات ءبولىمىنىڭ قىزمەتكەرلەرى, جۋرناليستەر قاۋىمى قاتىسىپ, ەتنوگراف-تاريحشى مۇحامەتقازى مۇحامەدي ۇلى مەن اقىن مۇراتبەك وسپانوۆ, «زياتكەرلىك» باسپا ءۇيىنىڭ ديرەكتورى, عالىم ا.قۇدايبەرگەنوۆ جانە تاعى باسقالارى قالامگەر شىعارماشىلىعى جايلى وي ءبولىسىپ, ىستىق لەبىزدەرىن ءبىلدىردى. كىتاپحانا قىزمەتكەرلەرى ازىرلەگەن «اقشاۋلىنىڭ اقيىق قالامگەرى- سۇيەۋباي بايقادي ۇلىنىڭ شىعارماشىلىعىنا 50 جىل» اتتى باسىلىمدار كورمەسى مەن وسى تاقىرىپتا جاسالعان سلايد كورسەتىلىمى كورەرمەننىڭ كوڭىلىنەن شىقتى. سۇيەۋباي اعانىڭ «قوش بول, اققۋ» نوۆەللاسىنان باستاپ جاريا كورگەن اۆتوردىڭ بارلىق كىتاپتارى مەن پۋبليتسيستيكاسى, جاريالانعان ءباسپاسوز باسىلىمدارى كوپشىلىك نازارىنا ۇسىندى. شاراعا شاكارىم ۋنيۆەرسيتەتىنىڭ جۋرناليستيكا فاكۋلتەتى مەن سەمەي قارجى كوللەدجىنىڭ ستۋدەنتتەرى قاتىسىپ, قىزىقتى دا قيىن, جاۋاپكەرشىلىكتى جۋرناليست ماماندىعى تۋرالى سۇيەۋباي اعانىڭ اڭگىمەلەرىن ەستىدى.
راۋشان نۇعمانبەكوۆا.
سەمەي
سۋرەتتەردى تۇسىرگەن اۆتور.
