تاقتانىڭ سالتاناتتى اشىلۋىنا مارقۇمنىڭ تۋىستارى, ارداگەرلەر, جاستار مەن جەكە قۇرام قاتىستى. ءوىىد باستىعى, پوليتسيا گەنەرال-مايورى بەرىك ءبىلالوۆ الەكسەي ششەرباكوۆتىڭ ءومىر جولى مەن جانقيارلىق ەرلىگى وسكەلەڭ ۇرپاق ءۇشىن ۇلگى بولىپ قالا بەرەتىنىن جەتكىزدى.
«اكەم تۋرالى سۋىق حابار كەلگەندە 18 جاستا ەدىم. ونىڭ قاندىقول قاراقشىنىڭ قولىنان بىرنەشە جاراقات العانىن كەيىن ءبىلدىم», دەيدى قىزى ناتاليا الەكسەەۆنا.
الەكسەي ششەرباكوۆ وبلىس ورتالىعىنداعى قىلمىس كوپ جاسالاتىن دوبروليۋبوۆ پوليتسيا بەكەتىندە اعا ۋچاسكەلىك ينسپەكتور قىزمەتىن اتقارىپ جۇرگەندە وتباسىلىق جانجال بولىپ جاتقان تۋرالى سۋىت حابار الادى. بۇرىن ەكى رەت سوتتالعان جانجالقوي سۋىق قارۋمەن قارۋلانىپ, ايەلى مەن كورشىلەرىنە جاراقات كەلتىرگەن. مايور ۇيگە كىرە بەرگەندە وتكىر ۇستارامەن تاماق تۇسىنان ورىپ جىبەرگەن. بۇعان دەيىن شكوديننىڭ جەكە تارتىبىنە بايلانىستى بىرنەشە رەت كەلگەندىكتەن, مۇنداي قارسىلىق كۇتپەسە كەرەك. قانسىراپ جاتسا دا ارىپتەستەرى كەلگەنشە قىلمىسكەردى جىبەرمەگەن. اۋىر دەنە جاراقاتىنان 42 جاستاعى ميليتسيا مايورى اۋرۋحانادا كوز جۇمعان.
«جەكە ەرلىگى ءۇشىن» وردەنىنىڭ يەگەرىن جەرلەستەرى ماقتان تۇتادى. ەسىل ەر اقايىڭ اۋدانىندا تۋىپ-وسكەن. مەموريالدىق تاقتانىڭ سالتاناتتى اشىلۋىنا ستاۆروپول ولكەسىنەن الەكسەي ششەرباكوۆتىڭ نەمەرەسى دە كەلدى.
اۋدان اكىمى داۋرەن بايتولەشوۆ ۋچاسكەلىك ينسپەكتورلارعا زاماناۋي كومپيۋتەرلىك تەحنيكالار تابىستادى.
مەيماندار استراحانكا سەلوسىنداعى ۋچاسكەلىك پوليتسيا پۋنكتىندە بولىپ, جەرگىلىكتى پوليتسيانىڭ جۇمىسىمەن تانىستى.
ءومىر ەسقالي,
«ەگەمەن قازاقستان»
