ءوز سوزىندە مەملەكەت باسشىسى حالىقارالىق كورمەنىڭ ۇيىمداستىرىلۋ جۇمىسىنا جوعارى باعا بەرىپ, قازاقستانمەن جەمىستى بايلانىس ورناعاندىعىن اتاپ ءوتتى.
- تۇرىكمەنستان باۋىرلاس قازاقستانمەن بىرقاتار ءساتتى جوبالاردى جۇزەگە اسىرىپ كەلەدى, سولاردىڭ قاتارىندا مەن قازاقستان-تۇرىكمەنستان- يران باعىتىنداعى تەمىر جول قۇرىلىسىن اتاپ ايتار ەدىم, - دەدى گ.بەردىمۇحامەدوۆ.
تۇرىكمەنستان ۇلتتىق پاۆيلونى ەكسپو-2017 كورمەسىنە كەلۋشىلەرگە ەلدىڭ جانارماي-ەنەرگيا سالاسىن تانىستىرادى. پاۆيلوندا جوسپارلانىپ وتىرعان بىرنەشە جوبالاردىڭ ۇلگىسى ورنالاستىرىلعان.
ماسەلەن, جوسپارعا الىنعان گەليوكەشەندە جايىلاتىن مالدىڭ تەزەگىن قۇرىلعى بيوگازعا وڭدەيدى. وسىلايشا, گاز ءتارىزدى وتىن وندىرىلمەك. سونىمەن قاتار, تۇرىكمەنستان بيلىگى اۆتونومدى قالدىقسىز وسىمدىك, قۇس جانە جىلىجايدا قوزىقۇيرىق وسىرۋگە ارنالعان بيواككۋمۋلياتورلى گەليوبيولوگيالىق كەشەن سالۋ ءىسىن جۇزەگە اسىرماقشى.
كەشەندە قالدىقتار مەن شىعارىندا گازدار دا تولىعىمەن پايدالانىپ ىسكە جاراتۋ كوزدەلگەن.
تۇرىكمەنستان ەنگىزىپ وتىرعان تاعى ءبىر جاڭالىق - پايدالى اسەر كوەففيتسيەنتى جوعارى بىرىكتىرىلگەن ەلەكتر تۋدىرۋشى ستانتسيا - بۋ-گازدى ەلەكتر ستانسا كەشەنى. بۇل ەلەكتر ستانساسى قۇرامىندا 4 گاز جانە 2 بۋ تۋربينالارى سونداي-اق, 4 كادەگە جاراتۋشى قازاندىق بار. بيلىك ەسەبىنشە, مۇنداي ەلەكتر ستانساسى جىل سايىن ميللياردتان استام تەكشە مەتر تابيعي گازىن ۇنەمدەۋگە سەپتىگىن تيگىزىپ, بۋعا اينالۋشى گاز قالدىقتارىن 3 ملن توننادان ارتىق تومەندەتۋگە ىقپال ەتەدى.
بۇدان وزگە پاۆيلوندا ۇلتتىق ناقىشتاعى تاۋارلار مەن ەلەكتر ەنەرگياسىنىڭ دامۋ تاريحىنان سىر شەرتەتىن اشىق اسپان استىنداعى مۋزەي تۇرىندەگى 100 جىلدىق گينديكۋش سۋ ەلەكتر ستانساسىنىڭ ماكەتى قويىلعان. قازىرگى ۋاقىتتا ستانسادا 100 جىل بۇرىن ورناتىلعان قۇرىلعىلار مەن بۇيىمدار ءالى كۇنگە دەيىن قولدانىلىپ كەلەدى. ولار سۋ تۋربينالارى, وسى ۋاقىتقا دەيىن اقاۋسىز قىزمەت ەتىپ كەلە جاتقان سيگنال شامدارى, ءتۇرلى ولشەمدەگى كىلتتەر جانە كوشە شامدارى.
