«كەل جانە ءوز قۋاتىڭدى تاپ». تۇركيا پاۆيلونىنىڭ باستى تاقىرىبى وسىلاي اتالادى. باۋىرلاس ەلدىڭ وكىلدەرى بارلىق كەلۋشىنى «جاھاندىق سينەرگيا» تاقىرىبىندا ازىرلەنگەن ەكسپوزيتسيالارمەن قايران قالدىرماق. جۇرتشىلىق نازارىنا تۇركياداعى بارلىق مينەرال كورسەتىلىپ, بالامالى ەنەرگيا سالاسىنداعى جاڭا تەحنولوگيالار ۇسىنىلادى.
جاڭا عانا اشىلعان باۋىرلاس ەلدەردىڭ پاۆيلونىنا كەلۋشىلەر قاتارى كوبەيدى. مۇندا انادولى تابيعاتى ينتەراكتيۆتى تۇردە كورسەتىلگەن. سونداي-اق, مۇندا جىلۋ كامەرالارى ورنالاسقان. كامەرانى باسساڭىز, ادام جىلۋى ارقىلى ەكرانعا سۇلباڭىز شىعادى.
